గద్వాల ఎమ్మెల్యేగా డీకే అరుణను ప్రకటించండి: ఎన్నికల సంఘం
గద్వాల అసెంబ్లీ నియోజకవర్గానికి ఎమ్మెల్యేగా డీకే అరుణను అధికారికంగా ప్రకటించాలని కేంద్ర ఎన్నికల సంఘం.. రాష్ట్ర ఎన్నికల కమిషన్‌ను ఆదేశించింది. ఈ మేరకు రాష్ట్ర ఎన్నికల ప్రధాన అధికారికి లేఖ పంపింది. ఈ అంశానికి సంబంధించిన హైకోర్టు ఉత్తర్వులు రాబోయే అధికారిక గెజిట్‌లో ప్రచురించాలని చెప్పింది. జోగులాంబ జిల్లా గద్వాల ఎమ్మెల్యేగా బి.కృష్ణమోహన్ రెడ్డి ఎన్నిక చెల్లదని తెలంగాణ హైకోర్టు ఇటీవల ఇచ్చిన తీర్పు నేపథ్యంలో ఈసీ ఈ ప్రకటన చేసింది. కృష్ణమోహన్ రెడ్డి తన నామినేషన్ అఫిడవిట్‌లో తప్పుడు సమాచారం సమర్పించడం వల్ల హైకోర్టు ఆయన ఎన్నికల చెల్లదని తీర్పు చెప్పింది. కృష్ణమోహన్ రెడ్డి తర్వాత అత్యధిక ఓట్లు పొందిన డీకే అరుణను కోర్టు ఎమ్మెల్యేగా ప్రకటించింది.
