Prakasam Barrage: ప్రకాశం బ్యారేజీకి తగ్గిన వరద.. డెల్టా రైతులకు ఊరట
ఈ వార్తాకథనం ఏంటి
ప్రకాశం బ్యారేజీ వద్ద కృష్ణా నది వరద ఉద్ధృతి గణనీయంగా తగ్గింది. ఇటీవల మురసు తుపాను ప్రభావంతో కురిసిన భారీ వర్షాల కారణంగా కృష్ణా నదిలో వరద ప్రవాహం పెరిగింది. దీంతో ప్రకాశం బ్యారేజీకి సుమారు 71 వేల క్యూసెక్కుల ఇన్‌ఫ్లో నమోదైంది. అయితే, తాజాగా నదిలోకి వస్తున్న వరద నీరు తగ్గుముఖం పట్టడంతో అధికారులు ఊపిరి పీల్చుకున్నారు. మరోవైపు కృష్ణా డెల్టా రైతుల్లోనూ ఆందోళన తగ్గింది. ప్రస్తుతం ప్రకాశం బ్యారేజీ వద్ద నీటిమట్టం 12 అడుగుల వద్ద స్థిరంగా కొనసాగుతోంది. వరద ప్రవాహం తగ్గడంతో సముద్రంలోకి విడుదల చేస్తున్న నీటి పరిమాణాన్ని అధికారులు క్రమంగా తగ్గిస్తున్నారు. ఆదివారం మధ్యాహ్నం 7,250 క్యూసెక్కులుగా ఉన్న అవుట్‌ఫ్లోను సాయంత్రానికి 3,625 క్యూసెక్కులకు తగ్గించారు.
వివరాలు
కాలువలకు 1,516 క్యూసెక్కుల నీటి విడుదల
ఇదిలా ఉండగా, కృష్ణా తూర్పు డెల్టాలో సాగునీటి అవసరాల కోసం కాలువలకు 1,516 క్యూసెక్కుల నీటిని విడుదల చేస్తున్నారు.
బ్యారేజీకి వస్తున్న వరద ప్రవాహం పూర్తిగా అదుపులోకి రావడంతో కృష్ణా డెల్టా ప్రాంతానికి వరద ముప్పు తప్పినట్లేనని అధికారులు భావిస్తున్నారు.
దీంతో డెల్టా రైతులు ఊరట చెందుతున్నారు.