GPO: తెలంగాణ నిరుద్యోగులకు శుభవార్త.. 10,954 పోస్టులకు ప్రభుత్వ అనుమతి
ఈ వార్తాకథనం ఏంటి
తెలంగాణ ప్రభుత్వం నిరుద్యోగులకు ఉద్యోగ అవకాశాలను అందించేందుకు కృషి చేస్తోంది. జాబ్ నోటిఫికేషన్లు విడుదల చేసి, పరీక్షలను నిర్వహిస్తూ, ఫలితాలను వేగంగా ప్రకటించి నియామకాలను పూర్తి చేస్తోంది.
ఇప్పటికే గ్రూప్ 1, 2, 3 ఫలితాలను విడుదల చేసిన సంగతి తెలిసిందే. అలాగే గతేడాది జాబ్ క్యాలెండర్‌ను ప్రకటించింది. తాజాగా రేవంత్ సర్కార్ నిరుద్యోగులకు శుభవార్త అందించింది.
రాష్ట్రంలో 10,954 గ్రామ పాలన అధికారి (GPO) పోస్టులను మంజూరు చేస్తూ ప్రభుత్వం ఉత్తర్వులు జారీ చేసింది.
Details
గ్రామ పాలన అధికారులను నియమించాలి
రెవెన్యూ శాఖలో కొత్తగా ఈ గ్రామ పాలన అధికారి పోస్టులను ఆర్థిక శాఖ ఆమోదించింది. నూతన గ్రామ రెవెన్యూ అధికారుల వ్యవస్థను 'జిపిఓ'గా పునర్నామకరణం చేసింది.
రాష్ట్రంలోని 10,954 రెవెన్యూ గ్రామాలకు గ్రామ పాలన అధికారులను నియమించాలని ఇటీవల రాష్ట్ర మంత్రివర్గం నిర్ణయించింది.
గత ప్రభుత్వం వీఆర్‌ఓ, వీఆర్‌ఏ వ్యవస్థను రద్దు చేసి, వారిని ఇతర ప్రభుత్వ శాఖల్లో విలీనం చేసిన విషయం తెలిసిందే.
ఈ నేపథ్యంలో గ్రామ పాలన అధికారులను మళ్లీ నియమించాలని మంత్రివర్గం నిర్ణయం తీసుకున్నట్టు మంత్రి పొంగులేటి వెల్లడించారు.