Independence Day: ఘనంగా స్వాతంత్య్ర వేడుకలు.. ఎర్రకోటపై త్రివర్ణ పతాకాన్ని ఎగురవేసిన మోదీ
ఈ వార్తాకథనం ఏంటి
భారతదేశ 80వ స్వాతంత్య్ర దినోత్సవ వేడుకలు దేశవ్యాప్తంగా ఘనంగా నిర్వహిస్తున్నారు. దేశ రాజధాని దిల్లీలోని చారిత్రక ఎర్రకోట వేదికగా ప్రధానమంత్రి నరేంద్ర మోదీ జాతీయ వేడుకలకు నేతృత్వం వహించారు. దేశంలోని అన్ని రాష్ట్రాల రాజధానులు, ప్రధాన నగరాల్లోనూ స్వాతంత్ర్య సంబరాలు అంబరాన్నంటాయి. ఎర్రకోటపై ప్రధాని మోదీ వరుసగా 13వసారి జాతీయ జెండాను ఎగురవేశారు. ఆయన త్రివర్ణ పతాకాన్ని ఆవిష్కరించిన మహత్తర సమయంలో 1721 ఫీల్డ్ బ్యాటరీ (సెరిమోనియల్)కు చెందిన సైనిక దళాల గన్నర్లు సంప్రదాయ 21 తుపాకుల సెల్యూట్ అందించారు. దీంతో స్వాతంత్య్ర వేడుకల గంభీరత, శోభ మరింత పెరిగింది.
వివరాలు
తొలిసారి అధికారికంగా 'వందేమాతరం' గానం
ఎర్రకోట స్వాతంత్ర్య వేడుకల చరిత్రలో ఈ ఏడాది అరుదైన ఘట్టం చోటుచేసుకుంది. దేశ ప్రజల్లో స్ఫూర్తిని నింపే జాతీయ గేయం 'వందేమాతరం'ను ఎర్రకోట వేదికపై అధికారికంగా ఆలపించడం ఇదే తొలిసారి.
ప్రధాని మోదీ జాతిని ఉద్దేశించి ప్రసంగించడానికి ముందుగా ఈ గానం సాగింది. దీంతో 'వందేమాతరం' స్వాతంత్య్ర వేడుకల్లో ప్రత్యేక ఆకర్షణగా నిలిచింది.
భారత స్వాతంత్ర్య పోరాటంలో విశేష ప్రాధాన్యం పొందిన 'వందేమాతరం' గేయం 150 వసంతాలు పూర్తి చేసుకున్న సందర్భంగా ఈ చారిత్రక ఘట్టం చోటుచేసుకోవడం వేడుకల ప్రాధాన్యాన్ని మరింత పెంచింది.
2047 నాటికి భారత్ను అభివృద్ధి చెందిన దేశంగా (వికసిత భారత్)తీర్చిదిద్దడంలో దేశ యువశక్తి కీలక పాత్ర పోషించాల్సిన అవసరాన్ని చాటిచెప్పేలా ఈ ఏడాది స్వాతంత్ర్య దినోత్సవ వేడుకలు సాగుతున్నాయి.
వివరాలు
జాతిని ఉద్దేశించి మోదీ ప్రసంగం
జాతీయ జెండా ఆవిష్కరణ అనంతరం 80వ స్వాతంత్య్ర దినోత్సవాన్ని పురస్కరించుకుని ప్రధాని మోదీ జాతిని ఉద్దేశించి ప్రసంగించారు.
దేశ ప్రజలందరికీ స్వాతంత్ర్య దినోత్సవ శుభాకాంక్షలు తెలిపారు. "నేడు ప్రతి గుండె త్రివర్ణ పతాకమే, ప్రతి ఇల్లు త్రివర్ణ పతాకమే" అంటూ ఆయన తన ప్రసంగాన్ని ఉద్వేగభరితంగా ప్రారంభించారు.
ఇటీవల దేశవ్యాప్తంగా సంభవించిన భారీ వర్షాలు, వరదలు, కొండచరియలు విరిగిపడటం సహా వివిధ ప్రకృతి వైపరీత్యాలపై కూడా ప్రధాని స్పందించారు.
ఈ విపత్తుల కారణంగా నష్టపోయిన కుటుంబాలకు ఆయన సానుభూతి తెలిపారు. ప్రకృతి వైపరీత్యాల కారణంగా ప్రాణాలు, ఆస్తులు కోల్పోయి తీవ్రంగా బాధపడుతున్న బాధితుల ఆవేదనను తాము అర్థం చేసుకోగలమని పేర్కొన్నారు. ఈ