30ఏళ్ల తర్వాత కశ్మీరీ పండిట్ న్యాయమూర్తి నీలకంత్ గంజూ హత్యపై ఎస్ఐఏ దర్యాప్తు
ఈ వార్తాకథనం ఏంటి
దాదాపు 34 ఏళ్ల సుదీర్ఘ విరామం తర్వాత నవంబర్ 4, 1989న హత్యకు గురైన హైకోర్టు న్యాయమూర్తి నీలకంత్ గంజూ హత్య కేసును జమ్ముకశ్మీర్ పోలీస్ స్టేట్ ఇన్వెస్టిగేషన్ ఏజెన్సీ (ఎస్ఐఏ) పునర్విచారణ చేపట్టింది.
ఈ కేసును చేధించేందుకు ఎస్ఐఏ టీమ్ ప్రజల సహాయాన్ని కోరింది.
ఈ హత్యకు ఉగ్రవాద సంస్థ జమ్ముకశ్మీర్ లిబరేషన్ ఫ్రంట్(జేకేఎల్ఎఫ్) కారణమని భద్రతా సంస్థలు అనుమానిస్తున్నాయి.
అయితే ఆ సమయంలో ఎవరినీ అరెస్టు చేయలేదు. 30ఏళ్ల తర్వాత హత్య వెనుక పెద్ద నేరపూరిత కుట్రను వెలికితీసేందుకు ఎస్ఐఏ రంగంలోకి దిగింది.
ఈ హత్య కేసుకు సంబంధించిన సంబంధిత సమాచారాన్ని గోప్యమైన వ్యక్తులు 8899004976 నంబర్‌ను లేదా sspsia-kmr@jkpolice.gov.in ఈమెయిల్‌కు పంపాలని ఎస్ఐఏ పేర్కొంది.
జమ్ముకశ్మీర్
ఈ కేసు వివరాలు ఇలా ఉన్నాయి
1968లో సీఐడీ ఇన్‌స్పెక్టర్ అమర్ చంద్, ఒక పౌరుడి హత్య చేసిన కేసులో జేకేఎల్ఎఫ్ వ్యవస్థాపకుడు మక్బూల్ భట్‌కు జస్టిస్ నీలకంఠ్ గంజూ మరణశిక్ష విధించారు.
ఈ శిక్షను 1982లో సుప్రీంకోర్టు కూడా సమర్థించింది. ఆ తర్వాత మక్బూల్ భట్‌కు తీహార్ జైలులో ఉరిశిక్ష అమలు చేశారు.
నవంబర్ 1989లో జస్టిస్ నీలకంఠ్ గంజూ తీవ్రవాదుల కాల్పుల్లో చనిపోయారు.
న్యాయమూర్తి కావడమే కాకుండా, ప్రముఖ కశ్మీరీ పండిట్లలో నీలకంఠ్ గంజూ ఒకరు కావడంతో అప్పట్లో ఈ హత్య సంచలనంగా మారింది.
ఇప్పుడు ఈ కేసును దర్యాప్తు చేసేందుకు వాస్తవాలు, అప్పటి పరిస్థితుల గురించి తెలిసిన వ్యక్తులందరూ ముందుకు రావాలని ఎస్ఐఏ ప్రకటన విడుదల చేసింది.