TS Gurukulam: గురుకుల పాఠశాలల కాంట్రాక్టు ఉపాధ్యాయులకు కేసీఆర్ సర్కార్ గుడ్ న్యూస్
ఈ వార్తాకథనం ఏంటి
సాంఘిక సంక్షేమ, గురుకుల పాఠశాలల్లోని కాంట్రాక్టు ఉపాధ్యాయుల క్రమబద్ధీకరణకు తెలంగాణ ప్రభుత్వం గ్రీన్ సిగ్నల్ ఇచ్చింది.
రాష్ట్ర వ్యాప్తంగా 567 మంది కాంట్రాక్టు ఉపాధ్యాయులను కేసీఆర్ సర్కార్ రెగ్యులరైజ్ చేయనుంది. ఈ మేరకు రెండ్రోజుల్లో ఉత్తర్వులను జారీ చేయనుంది.
16ఏళ్లుగా కాంట్రాక్టు పద్ధతిలో కొనసాగుతున్న ఉపాధ్యాయులను క్రమబద్ధీకరించేందుకు సీఎం కేసీఆర్ నిర్ణయం తీసుకోవడంపై సంక్షేమ శాఖా మంత్రి కొప్పుల ఈశ్వర్ హర్షం వ్యక్తం చేశారు.
దేశంలోనే మెరుగైన విద్యను అందిస్తున్న ఏకైక రాష్ట్రం తెలంగాణ అని చెప్పారు.
Details
సీఎంకు ధన్యవాదాలు తెలిపిన మంత్రి
తెలంగాణ ప్రభుత్వం తీసుకున్న ఈ నిర్ణయంపై కాంట్రాక్టు సర్వత్రా ఉపాధ్యాయులు హర్షం వ్యక్తం చేస్తున్నారు.
16 ఏళ్లుగా కాంట్రాక్టు పద్ధతిలో కొనసాగిన తాము రెగ్యులరైజ్ చేయడానికి కేసీఆర్ ప్రభుత్వం ముందుకు రావడం చాలా సంతోషంగా ఉందన్నారు.
ఈ నిర్ణయంతో కాంట్రాక్టు ఉపాధ్యాయుల కుటుంబాల్లో ఆనందం వెల్లువిరుస్తుందని చెప్పారు.
మరోవైపు సంక్షేమ శాఖ మంత్రి కొప్పుల ఈశ్వర్ సీఎం కేసీఆర్ కు ధన్యవాదాలు తెలిపారు.