Ajit Pawar Death: అజిత్ పవార్ మృతి పట్ల ప్రధాని మోదీ, అమిత్ షా దిగ్భ్రాంతి..
ఈ వార్తాకథనం ఏంటి
మహారాష్ట్రలో జరిగిన ఘోర విమాన ప్రమాదం దేశమంతటా తీవ్ర విషాదాన్ని మిగిల్చింది. ఈ దుర్ఘటనలో రాష్ట్ర ఉప ముఖ్యమంత్రి అజిత్ పవార్ ప్రాణాలు కోల్పోయారు. బారామతి సమీపంలో ల్యాండింగ్కు ప్రయత్నిస్తున్న సమయంలో విమానం కూలిపోయిందని, ఈ ప్రమాదంలో అజిత్ పవార్తో పాటు మరో ఐదుగురు మృతి చెందినట్లు అధికారులు వెల్లడించారు. ఈ సంఘటనపై ప్రధాని నరేంద్ర మోదీ, కేంద్ర హోంమంత్రి అమిత్ షా తీవ్ర దిగ్భ్రాంతి వ్యక్తం చేశారు. ఘటన వివరాలపై మహారాష్ట్ర ముఖ్యమంత్రి దేవేంద్ర ఫడ్నవీస్తో ప్రధాని మోదీ, అమిత్ షా ఫోన్లో మాట్లాడి పరిస్థితిని తెలుసుకున్నారు. సహాయక చర్యలు ఎలా కొనసాగుతున్నాయి, ప్రస్తుత పరిస్థితి ఏమిటన్న అంశాలపై ఆరా తీశారు.
వివరాలు
అజిత్ పవార్ ఆకస్మిక మృతి నన్ను కలిచివేసింది: మోడీ
అజిత్ పవార్ మృతిపై ప్రధాని నరేంద్ర మోదీ భావోద్వేగంగా స్పందిస్తూ ట్వీట్ చేశారు. అజిత్ పవార్ ప్రజల మధ్య నుంచి ఎదిగిన నాయకుడిగా, గ్రామ స్థాయి వరకు ప్రజలతో బలమైన అనుబంధం ఉన్న వ్యక్తిగా గుర్తింపు పొందారని మోదీ పేర్కొన్నారు. మహారాష్ట్ర ప్రజల సేవలో నిరంతరం శ్రమించిన కష్టపడే నాయకుడిగా ఆయనకు విశేష గౌరవం ఉందని తెలిపారు. పాలనపై ఆయనకు ఉన్న లోతైన అవగాహన, పేదలు,అణగారిన వర్గాలను బలోపేతం చేయాలనే ఆయన నిబద్ధత ప్రశంసనీయమని ట్వీట్లో వెల్లడించారు. అజిత్ పవార్ అకస్మాత్తుగా మృతి చెందడం తనను తీవ్రంగా కలచివేసిందని, ఆయన కుటుంబ సభ్యులకు,అభిమానులకు ప్రధాని తన ప్రగాఢ సానుభూతిని తెలియజేశారు.
ట్విట్టర్ పోస్ట్ చేయండి
నరేంద్ర మోదీ చేసిన ట్వీట్
Shri Ajit Pawar Ji was a leader of the people, having a strong grassroots level connect. He was widely respected as a hardworking personality at the forefront of serving the people of Maharashtra. His understanding of administrative matters and passion for empowering the poor and… pic.twitter.com/mdgwwGzw4R
— Narendra Modi (@narendramodi) January 28, 2026
ట్విట్టర్ పోస్ట్ చేయండి
అమిత్ షా చేసిన ట్వీట్
आज एक दुःखद हादसे में महाराष्ट्र के उपमुख्यमंत्री और NDA के हमारे वरिष्ठ साथी अजीत पवार जी को खो देने की सूचना से मन अत्यंत व्यथित है।
— Amit Shah (@AmitShah) January 28, 2026
अजीत पवार जी ने बीते साढ़े तीन दशकों में जिस प्रकार महाराष्ट्र के हर वर्ग के कल्याण के लिए खुद को समर्पित किया, उसे शब्दों में व्यक्त नहीं किया…