Maoists: జనవరి 1న ఆయుధాలు విడిచి లొంగిపోతాం: మావోయిస్టులు
ఈ వార్తాకథనం ఏంటి
మావోయిస్టులు కీలక ప్రకటన చేశారు. ఎంఎంసీ (మహారాష్ట్ర-మధ్యప్రదేశ్-ఛత్తీస్‌గఢ్) జోన్ ప్రతినిధి అనంత్ పేరుతో లేఖ విడుదల చేశారు. అందులో, జనవరి 1న వారు ఆయుధాలను విడిచి సమర్ధంగా లొంగిపోతారని పేర్కొన్నారు. ఒక్కొక్కరుగా కాకుండా, అందరు ఒకేసారి లొంగిపోతామని స్పష్టం చేశారు. లేఖలో మావోయిస్టు అగ్రనేతలు మల్లోజుల, ఆశన్న లొంగుబాటు, హిడ్మా ఎన్‌కౌంటర్ వంటి సంఘటనల వల్ల పార్టీ బలహీనమైందని తెలిపారు. మిగతా సభ్యులు లొంగిపోవాలన్న కేంద్ర ప్రభుత్వ విజ్ఞప్తిని దృష్టిలో ఉంచుకుని ఈ నిర్ణయం తీసుకున్నారని కూడా వివరించారు.
వివరాలు
జనజీవన స్రవంతిలో తిరిగి కలిసేందుకు కొంత సమయం
తమ సమూహం 2026 జనవరి 1 నుండి సాయుధ పోరాటాన్ని విరమించనుందని, ఆయుధాలను ప్రభుత్వానికి అప్పగించి పునరావాస కార్యక్రమంలో భాగమవుతారని తెలిపారు. సహకరించే రాష్ట్రాలలో లొంగిపోవడానికి వారు సిద్ధంగా ఉన్నారని స్పష్టం చేశారు. మహారాష్ట్ర, మధ్యప్రదేశ్, ఛత్తీస్‌గఢ్ రాష్ట్రాల ప్రభుత్వాలు అందరూ లొంగిపోయే వరకు జాగ్రత్తగా, సంయమనం పాటించాలని మావోయిస్టులు కోరారు. జనజీవన స్రవంతిలో తిరిగి కలిసేందుకు కొంత సమయం కావాలని కూడా గతవారం లేఖలో పేర్కొన్నారు.