PM Modi: ప్రజాసేవలో 25 ఏళ్లు పూర్తి చేసుకున్న ప్రధాని మోదీ.. నేడు జాతినుద్దేశించి ప్రసంగం
ఈ వార్తాకథనం ఏంటి
ప్రజాసేవలో ప్రధానమంత్రి నరేంద్ర మోదీ 25 ఏళ్లు పూర్తి చేసుకున్న సందర్భంగా గుజరాత్ బీజేపీ ఆధ్వర్యంలో భారీ కార్యక్రమాలు నిర్వహిస్తున్నారు. గుజరాత్ ముఖ్యమంత్రిగా, అనంతరం దేశ ప్రధానమంత్రిగా మోదీ అందించిన సేవలను గుర్తు చేసుకుంటూ ఈ కార్యక్రమాలను చేపట్టారు. ఇందులో భాగంగా ప్రధాని మోదీ బుధవారం ఉదయం వర్చువల్‌గా జాతినుద్దేశించి ప్రసంగించనున్నారు.
వివరాలు
'వికసిత్ భారత్ సంకల్ప్ సభ'లో మోదీ ప్రసంగం
బుధవారం ఉదయం 9 గంటలకు నిర్వహించనున్న 'వికసిత్ భారత్ సంకల్ప్ సభ'లో ప్రధాని మోదీ ప్రసంగిస్తారు.
అనంతరం 'వికసిత్ భారత్ @ 2047' లక్ష్యాన్ని సాధించేందుకు ప్రజలతో కలిసి సామూహిక ప్రతిజ్ఞ చేయిస్తారు.
మోదీ ప్రసంగానికి ముందు బీజేపీ జాతీయ అధ్యక్షుడు నితిన్ నబిన్ మాట్లాడనున్నారు.
ప్రధాని ప్రసంగం పూర్తయిన వెంటనే గుజరాత్‌లోని వివిధ ప్రాంతాల్లో బీజేపీ నేతలు 'సేవా జ్యోత్'ను వెలిగిస్తారు.
అనంతరం 'సేవా జ్యోతి కలశ యాత్ర'ను ప్రారంభిస్తారు.
వివరాలు
రాష్ట్రవ్యాప్తంగా 'సేవా జ్యోతి కలశ యాత్ర'
'సేవా జ్యోతి కలశ యాత్ర' గుజరాత్‌లోని అన్ని జిల్లాలు, మెట్రోపాలిటన్ ప్రాంతాల్లో కొనసాగనుంది.
అహ్మదాబాద్‌లో జరిగే కార్యక్రమంలో గుజరాత్ ముఖ్యమంత్రి భూపేంద్ర పటేల్ పాల్గొంటారు.
సబర్‌కాంత జిల్లాలో రాష్ట్ర బీజేపీ అధ్యక్షుడు జగదీశ్ విశ్వకర్మ, గాంధీనగర్‌లో ఉపముఖ్యమంత్రి హర్ష్ సంఘవి కార్యక్రమాల్లో పాల్గొంటారు.
ఇతర మంత్రులు, ఎంపీలు, ఎమ్మెల్యేలు, బీజేపీ నాయకులు, కార్యకర్తలు కూడా రాష్ట్రంలోని వివిధ ప్రాంతాల్లో నిర్వహించే కార్యక్రమాల్లో పాల్గొననున్నారు.
వివరాలు
నేటితో 'సేవా సంకల్ప్ యాత్ర' ముగింపు
సెప్టెంబర్ 17న ప్రారంభమైన దేశవ్యాప్త 'సేవా సంకల్ప్ యాత్ర' కూడా బుధవారంతో ముగియనుంది.
మోదీ జన్మస్థలమైన గుజరాత్‌లోని వాద్‌నగర్‌తో పాటు ఆయన రాజకీయ క్షేత్రమైన ఉత్తరప్రదేశ్‌లోని వారణాసిలో ముగింపు కార్యక్రమాలు నిర్వహించనున్నారు.
వాద్‌నగర్‌లోని చారిత్రక హత్కేశ్వర్ మహాదేవ్ ఆలయంలో జలాభిషేకం నిర్వహించడంతో 'సేవా సంకల్ప్ యాత్ర' ముగింపు కార్యక్రమాలు పూర్తవుతాయి.