తెలంగాణలో ఆర్టీఏ సర్వర్ డౌన్; నిలిచిపోయిన వాహనాల రిజిస్ట్రేషన్
ఈ వార్తాకథనం ఏంటి
తెలంగాణ వ్యాప్తంగా కొత్త వాహనాల రిజిస్ట్రేషన్ నిలిచిపోయింది. ఆర్టీఏ కార్యాలయాల్లో బుధవారం ఉదయం నుంచి కార్యకలాపాలు కొనసాగలేదు. రవాణా శాఖ సర్వర్ డౌన్ కావడమే ఇందుకు కారణం.
రవాణా శాఖ సర్వర్‌‌లో అంతరాయం వల్ల ఆర్టీఏ వెబ్‌సైట్‌లో వాహనాలు, సేవల వివరాలు కనిపించ లేదు.
దీంతో స్లాట్ బుక్ చేసుకున్న వారు రిజిస్ట్రేషన్ కోసం పడిగాపులుగాశారు.
రవాణా శాఖ సర్వర్‌‌లో ఏర్పడిన అంతరాయంపై అధికారులు స్పందించారు. సాంకేతిక సమస్య తలెత్తడం వల్ల సర్వర్ డౌన్ అయినట్లు చెప్పారు. వీలైనంత త్వరగా సర్వర్‌ను పునరుద్ధరించనున్నట్లు తెలిపారు.
దీంతో ఉదయం కొత్త వాహనాల రిజిస్ట్రేషన్ కోసం ఆర్టీఏ ఆఫీసుకు వెళ్లిన వారు సాయంత్రం వరకు వేచి చూసి, ఇక లాభం లేదనుకొని వెనుతిరిగారు.
ట్విట్టర్ పోస్ట్ చేయండి
నిలిచిపోయిన ఆర్టీఏ సేవలు
తెలంగాణలో ఆర్టీఏ సర్వర్ డౌన్.. ఉదయం నుంచి ఆర్టీఏ కార్యాలయాల్లో నిలిచిపోయిన కార్యకలాపాలు.. రాష్ట్ర వ్యాప్తంగా ఆగిపోయిన కొత్త వాహనాల రిజిస్ట్రేషన్.. ఆర్టీఏ వెబ్‌సైట్‌లో కనిపించని పాత, కొత్త వాహనాల వివరాలు#Telangana #RTA
— NTV Breaking News (@NTVJustIn) May 31, 2023