Telangana: తెలంగాణ మహిళలకు దీపావళి కానుక.. నవంబర్ నుంచే మిల్లెట్ కేఫ్‌లు ప్రారంభం
ఈ వార్తాకథనం ఏంటి
తెలంగాణలో మహిళా స్వయం సహాయక సంఘాలకు రాష్ట్ర ప్రభుత్వం మరో శుభవార్త అందించింది. మహిళలకు ఉపాధి కల్పించడంతోపాటు ఆర్థికంగా అండగా నిలిచేందుకు ఇప్పటికే పలు కార్యక్రమాలు చేపట్టిన ప్రభుత్వం.. తాజాగా మరో కొత్త ఆలోచనకు శ్రీకారం చుట్టింది. మహిళా సంఘాల ఆధ్వర్యంలో మిల్లెట్ కేఫ్‌లు ఏర్పాటు చేయాలని నిర్ణయించింది. తొలి విడతలో రాష్ట్రవ్యాప్తంగా ఐదు కేఫ్‌లను ప్రారంభించేందుకు ఏర్పాట్లు చేస్తోంది. ఈ కేఫ్‌ల ఏర్పాటుకు మొత్తం రూ.11 కోట్లు ఖర్చు చేయనుండగా, ఒక్కో కేఫ్‌కు రూ.2.2 కోట్ల చొప్పున కేటాయించనున్నారు.
వివరాలు
నవంబర్ 19న ప్రారంభించేందుకు సన్నాహాలు
మహిళలకు స్వయం ఉపాధి కల్పించడమే లక్ష్యంగా ప్రభుత్వం ఇప్పటికే మహిళా శక్తి క్యాంటీన్లు, పెట్రోల్ బంకులు, అద్దె ఆర్టీసీ బస్సులు, డెయిరీ ఫామ్‌లను అందుబాటులోకి తీసుకొచ్చింది.
ఇప్పుడు ఇదే తరహాలో మిల్లెట్ కేఫ్‌లను ఏర్పాటు చేయాలని నిర్ణయించింది. నవంబర్ 19న ఈ కేఫ్‌లను ప్రారంభించేందుకు ప్రభుత్వం సన్నాహాలు చేస్తోంది.
తొలి విడతలో హైదరాబాద్‌లో మూడు, యాదాద్రి, మహబూబ్‌నగర్ జిల్లాల్లో ఒక్కొక్కటి చొప్పున మొత్తం ఐదు కేఫ్‌లను ఏర్పాటు చేయనున్నారు.
ఇప్పటికే 40 మంది మహిళలకు అవసరమైన శిక్షణ కూడా అందించారు. రాష్ట్ర పేదరిక నిర్మూలన సంస్థ ఆధ్వర్యంలో ఈ కేఫ్‌లను ఏర్పాటు చేయనున్నారు.
వీటికి ప్రభుత్వం నుంచి ఇప్పటికే ఆమోదం లభించింది.
వివరాలు
నవంబర్ 19న ప్రారంభించేందుకు సన్నాహాలు
ఈ కేఫ్‌ల ద్వారా మహిళలకు ఆదాయం లభించడంతోపాటు చిరుధాన్యాల ఉత్పత్తులకు మార్కెటింగ్ సౌకర్యం కలగనుంది.
తద్వారా మహిళలకు ఉపాధి కల్పించడం, చిరుధాన్యాల వినియోగాన్ని ప్రోత్సహించడం అనే రెండు లక్ష్యాలు నెరవేరనున్నాయి.
తొలుత కొన్ని జిల్లాల్లో పైలట్ ప్రాజెక్టుగా వీటిని ప్రారంభించనున్నారు. ప్రజల నుంచి వచ్చే ఆదరణను బట్టి భవిష్యత్తులో ఇతర జిల్లాలకు కూడా విస్తరించనున్నారు.
వివరాలు
మిల్లెట్ కేఫ్‌లలో ఏయే ఆహార పదార్థాలు లభిస్తాయి?
మిల్లెట్ కేఫ్‌ల నిర్వహణ, ఆహార పదార్థాల తయారీ, వ్యాపార నిర్వహణకు సంబంధించి మహిళలకు భారత చిరుధాన్యాల పరిశోధన సంస్థ శిక్షణ ఇవ్వనుంది.
ఇప్పటికే 40 మంది మహిళలకు శిక్షణ పూర్తయినట్లు సమాచారం.
ఈ కేఫ్‌లలో చిరుధాన్యాలతో తయారు చేసిన వివిధ రకాల ఆహార పదార్థాలను విక్రయించనున్నారు.
రాగి జావ, రాగి సంకటి, మిల్లెట్ ఉప్మా, కిచిడీ, మిల్లెట్ కేకులు, బిస్కెట్లు వంటి ఆహార పదార్థాలు అందుబాటులో ఉండనున్నాయి.
వివరాలు
మిల్లెట్ కేఫ్‌లలో ఏయే ఆహార పదార్థాలు లభిస్తాయి?
హైదరాబాద్‌లోని బీఆర్‌కే భవన్, మాదాపూర్ ఇందిరా మహిళా శక్తి బజార్, మర్రి చెన్నారెడ్డి మానవ వనరుల అభివృద్ధి సంస్థ ప్రాంగణంలో మూడు కేఫ్‌లను ఏర్పాటు చేయనున్నారు.
ఇప్పటికే వీటి నిర్మాణ పనులు దాదాపు పూర్తయ్యాయి. మాజీ ప్రధాని ఇందిరాగాంధీ జయంతి సందర్భంగా నవంబర్ 19న ఈ కేఫ్‌లను ప్రారంభించాలని రేవంత్ ప్రభుత్వం నిర్ణయించింది.
మహిళా స్వయం సహాయక సంఘాలకు ఉపాధి కల్పించడంతోపాటు చిరుధాన్యాల ఆధారిత ఆహార ఉత్పత్తులకు మార్కెట్‌ను అందించడంలో ఈ కేఫ్‌లు కీలకంగా మారనున్నాయి.