తెలంగాణ దశాబ్ది ఉత్సవాల ఆఫర్: జూపార్కుల్లోకి ప్రవేశం ఉచితం
ఈ వార్తాకథనం ఏంటి
తెలంగాణ దశాబ్ది ఉత్సవాల వేళ రాష్ట్ర ప్రభుత్వం జంతుప్రదర్శనశాలల సందర్శకుల కోసం ప్రత్యేక ఆఫర్‌ను ప్రకటించింది.
పార్కులు, జంతుప్రదర్శనశాలలను సందర్శించాలనుకునే వారికి జూన్ 19న హరిత్సవ వేడుకలను పురస్కరించుకుని ఉచిత ప్రవేశాన్ని కల్పిస్తున్నట్లు ప్రభుత్వం వెల్లడించింది.
జాతీయ పార్కులు, అర్బన్ ఫారెస్ట్ పార్కులు, జూ పార్కుల్లోకి ఉచిత ప్రవేశాన్ని కల్పిస్తున్నట్లు చీఫ్ ప్రిన్సిపల్ కన్జర్వేటర్ ఆఫ్ ఫారెస్ట్ డోబ్రియాల్ పేర్కొన్నారు.
తెలంగాణ
హరితహారాన్ని విజయవంతం చేయాలి: చీఫ్ ప్రిన్సిపల్ కన్జర్వేటర్
విద్యార్థులను ప్రకృతికి మరింత దగ్గర చేసేందుకే జూ పార్కుల్లోకి ఉచిత ప్రవేశాన్ని కల్పిస్తున్నట్లు చీఫ్ ప్రిన్సిపల్ కన్జర్వేటర్ చెప్పారు.
హరితోత్సవాన్ని విజయవంతం చేసేందుకు గ్రామస్థాయిలో ప్రత్యేక కార్యక్రమాలను విజయవంతం చేయాలని సూచించారు.
నైరుతి రుతువనాలు తెలంగాణలో ప్రవేశించనున్న నేపథ్యంలో రాష్ట్రంలో తొమ్మిదో విడద హరితహారంలో భాగంగా మొక్కలు నాటే కార్యక్రమాన్ని విజయవంతం చేయాలని డోబ్రియాల్ చెప్పారు.
ఇదిలా ఉంటే, హరితహారంలో భాగంగా మొక్కలు నాటిన ఫోటోలను హరితోత్సవ పోస్టర్లలో ప్రదర్శించనున్నట్లు సీఎం స్పెషల్ ఆఫీసర్ వర్గీస్ వెల్లడించారు.