Manipur: మణిపూర్‌లో నాగా మిలిటెంట్ల మధ్య కాల్పులు.. ముగ్గురు మృతి
ఈ వార్తాకథనం ఏంటి
మణిపూర్‌లో రెండు ప్రత్యర్థి నాగా మిలిటెంట్‌ గ్రూపుల మధ్య జరిగిన కాల్పుల్లో ముగ్గురు మిలిటెంట్లు మృతిచెందారు. మరో నలుగురు గాయపడ్డారు. నోనే జిల్లాలో బుధవారం ఉదయం ఈ ఘటన చోటుచేసుకుంది. అయితే, ఈ కాల్పుల ఘటన జరిగిన కొన్ని గంటల వ్యవధిలోనే అనుమానిత మిలిటెంట్లు ఇంఫాల్‌-ఉఖ్రుల్‌ జిల్లాలో ప్రయాణికుల వాహనాలపై కాల్పులు జరిపారు. ఈ ఘటనలో ఎవరికీ గాయాలు కాలేదు. నోనే జిల్లాలోని తావోజైజాంగ్‌ గ్రామంలో జిలియాన్‌గ్రాంగ్‌ యునైటెడ్‌ ఫ్రంట్‌ (జెడ్‌యూఎఫ్‌-జే), జిలియాన్‌గ్రాంగ్‌ యునైటెడ్‌ ఫ్రంట్‌ (జెడ్‌యూఎఫ్‌-కామ్సన్‌), నేషనల్‌ సోషలిస్ట్‌ కౌన్సిల్‌ ఆఫ్‌ నాగాలిం గ్రూపుల మధ్య కాల్పులు జరిగాయి. ఈ ఘటనలో జెడ్‌యూఎఫ్‌-జే గ్రూపునకు చెందిన ఇద్దరు మిలిటెంట్లు మృతిచెందారు. మొత్తం ముగ్గురు మిలిటెంట్లు ప్రాణాలు కోల్పోగా, మరో నలుగురు గాయపడ్డారు.
వివరాలు
10 నిమిషాల పాటు కాల్పులు
ఈ కాల్పుల్లో అత్యాధునిక ఆయుధాలను ఉపయోగించినట్లు తెలుస్తోంది.
ఇరువర్గాల మధ్య సుమారు 10 నిమిషాల పాటు కాల్పులు కొనసాగాయి.
ఈ ఘటన తర్వాత కొన్ని గంటల వ్యవధిలోనే ఇంఫాల్‌-ఉఖ్రుల్‌ జిల్లాలో ప్రయాణికుల వాహనాలపై అనుమానిత మిలిటెంట్లు కాల్పులు జరపడం స్థానికంగా ఆందోళన కలిగించింది.
అయితే ఈ ఘటనలో ఎవరూ గాయపడలేదు.