ఇజ్రాయెల్-హమాస్ యుద్ధం: పౌరుల మరణాలపై భద్రతా మండలిలో భారత్ తీవ్ర ఆందోళన
ఈ వార్తాకథనం ఏంటి
గత మూడు వారాలుగా ఇజ్రాయెల్-హమాస్ మధ్య భీకరమైన యుద్ధం నడుస్తోంది. యుద్ధం వల్ల సామాన్య ప్రజలు ప్రాణాలు కోల్పోతున్నారు. ఈ క్రమంలో యుద్ధంలో పౌరుల ప్రాణ నష్టంపై భారత్ స్పందించింది.
గాజాలో క్షీణిస్తున్న భద్రతా పరిస్థితి, పెద్ద ఎత్తున పౌర ప్రాణనష్టం గురించి భారతదేశం తీవ్ర ఆందోళన చెందుతోందని ఐక్యరాజ్య సమితిలో భారత డిప్యూటీ శాశ్వత ప్రతినిధిగా ఉన్న ఆర్.రవీంద్ర భద్రతా మండలిలో పేర్కొన్నారు.
పశ్చిమాసియాలో భద్రతా పరిస్థితిపై భద్రతా మండలిలో జరిగిన బహిరంగ చర్చలో భారత్ తరఫున రవీంద్ర మాట్లాడారు.
అక్టోబర్ 7న ఇజ్రాయెల్‌పై హమాస్ మిలిటెంట్లు జరిపిన దాడులు దిగ్భ్రాంతిని కలిగించాయన్నారు.
హమాస్ దాడిలో మరణించిన వారికి మొదట సంతాపం తెలిపిన ప్రపంచ నాయకుల్లో భారత ప్రధాని మోదీ ఉన్నారన్నారు.
భారత్
మానవతా సాయాన్ని భారత్ కొనసాగిస్తుంది: రవీంద్ర
గాజా స్ట్రిప్‌లోని పౌరులకు మానవతా సహాయం పంపడానికి భారతదేశం చేస్తున్న ప్రయత్నాలను భద్రతా మండలిలో రవీంద్ర వివరించారు.
ఇప్పటికే గాజాకు 38 టన్నుల ఆహారం, వైద్య పరికరాలను పంపినట్లు చెప్పారు.
భారత్ ఎల్లప్పుడూ ఇజ్రాయెల్-పాలస్తీనా సమస్యకు చర్చలు అవసరమని భారత్ నమ్ముతున్నట్లు రవీంద్ర వెల్లడించారు.
ఆరోగ్యం, విద్య, మహిళా సాధికారత, వ్యవస్థాపకత, సమాచార సాంకేతికతతో సహా పాలస్తీనా ప్రజలకు భారతదేశం మానవతా సహాయాన్ని పంపడం కొనసాగిస్తూనే ఉంటుందని స్పష్టం చేశారు.
ఇజ్రాయెల్-పాలస్తీనా వివాదానికి న్యాయమైన, శాంతియుత, శాశ్వత పరిష్కారం సాధించడానికి భారతదేశం కట్టుబడి ఉందన్నారు.