2023 న్యూమరాలజీ: మీ సంవత్సర సంఖ్య 5-9 ఐతే మీ జీవితంలో జరిగే విషయాలు
2023లో మీ సంవత్సర సంఖ్య 5-9మధ్య ఉంటే మీ జీవితంలో ఏం జరుగుతుందో సంఖ్యాశాస్త్ర నిపుణులు డాక్టర్ మధు కోటియా తెలియజేస్తున్నారు. సంవత్సర సంఖ్య 5: 2023 సంవత్సరం వీరికి చాలా బాగా గుర్తుండిపోతుంది. ఈ సంవత్సరంలో మీరు చేసే పనులు భవిష్యత్తులో మిమ్మల్ని మంచి స్థానంలో నిలబెడతాయి. కాకపోతే ఆ ప్రాసెస్ లో కాలం మీ ఓపికను అడుగడుగునా పరీక్షిస్తుంది. అయినా సరే పట్టు వదలకుండా కృషి చేస్తే మీరు చేరాలనుకున్న తీరాలకు చేరుకుంటారు. సంవత్సర సంఖ్య 6: మీ మనసులో ఉన్న బాధలు, ఆవేశాల నుండి ఈ సంవత్సరంలో ఉపశమనం పొందుతారు. మీ దృష్టి ఎక్కువగా మీ కుటుంబం మీద ఉంటుంది. ఒంటరిగా ఉన్నవారికి తోడు దొరికే అవకాశం ఉంది.
సంవత్సర సంఖ్య 7,8,9 గల వారి జీవితంలో 2023లో ఏం జరుగుతుంది
సంవత్సర సంఖ్య 7: 2023లో మీ జీవితంలో చాలా మార్పులొస్తాయి. జీవితంలో ఎదగడానికి ఇతరులు మీకు సాయం చేస్తారు. మీలో వచ్చే మార్పుల వల్ల మీ బంధువులు కూడా ప్రభావితం అవుతారు. మీకు పెళ్ళైతే మీ జీవిత భాగస్వామి ఎఫెక్ట్ అవుతుంది. సంవత్సర సంఖ్య 8: 2023లో మీరు మారడానికి అనేక అవకాశాలు వస్తాయి. సంవత్సర సంఖ్య 8 అనేది కర్మకు సంబంధించినది. నువ్వు ఎంత పనిచేస్తే అంత ఫలితం వచ్చే అవకాశం ఉంది. ప్రేమ విషయంలో మీ సంబంధాలు మరింత మెరుగుపడతాయని కోటియా అన్నారు. సంవత్సర సంఖ్య 9: ఈ సంఖ్య గలవారు మార్పును అడ్డుకుంటే కష్టపడాల్సి వస్తుంది. ఆధ్యాత్మిక ఆలోచనలు పెరుగుతాయి. దానివల్ల ఇతరులు కూడా స్ఫూర్తి పొందుతారు.
