Best Indoor Plants: నీరక్కర్లేదు...ఈ మొక్కలుంటే చాలు...ఇళ్లంతా ప్యూరిఫై అవుతుంది
ఈ వార్తాకథనం ఏంటి
ఇంట్లో అందమైన మొక్కలు ఉంటే ఆహ్లాదకరమైన వాతావరణం ఏర్పడుతుంది. రోజంతా పని ఒత్తిడితో అలసిపోయి ఇంటికి వచ్చినప్పుడు పచ్చని ఆకులు, పూలను చూడటం మనసుకు కొంత ప్రశాంతతను ఇస్తుంది. అయితే, మొక్కలు కేవలం ఇంటి అందాన్ని పెంచడానికే కాదు.. గాలి నాణ్యతను మెరుగుపరచడంలోనూ ఉపయోగపడతాయనే నమ్మకం చాలామందిలో ఉంది. ముఖ్యంగా తక్కువ స్థలం ఉన్నవారు కుండీల్లో పెంచుకునే ఇండోర్ ప్లాంట్స్‌పై ఆసక్తి చూపిస్తున్నారు. ఇంట్లో సులభంగా పెంచుకోగల ఐదు రకాల మొక్కలు ఇవే.
Details
పీస్ లిల్లీ
తెల్లని పూలతో ఆకర్షణీయంగా కనిపించే పీస్ లిల్లీ ఇంటి అలంకరణకు చక్కగా సరిపోతుంది.
తక్కువ వెలుతురు ఉన్న ప్రదేశాల్లోనూ పెరుగుతుంది. మట్టి పూర్తిగా ఎండిపోకుండా చూసుకుంటూ నీరు అందించాలి.
అయితే, ఈ మొక్కను పెంచేటప్పుడు పిల్లలు, పెంపుడు జంతువులు ఆకులను తినకుండా జాగ్రత్తపడాలి.
స్పైడర్ ప్లాంట్
మొక్కల పెంపకంపై ఎక్కువ అనుభవం లేనివారికి స్పైడర్ ప్లాంట్ మంచి ఎంపిక.
దీని పొడవైన ఆకులు, వాటి నుంచి వచ్చే చిన్న మొక్కలు ఇంటికి ప్రత్యేకమైన అందాన్ని ఇస్తాయి.
పరోక్ష వెలుతురు ఉన్న ప్రదేశంలో ఉంచితే చక్కగా పెరుగుతుంది. మట్టి మరీ తడిగా ఉండకుండా చూసుకోవాలి.
Details
అలోవెరా
అలోవెరా మొక్కకు ఎక్కువ నీరు అవసరం ఉండదు. కిటికీ దగ్గర తగినంత వెలుతురు లభించే చోట పెంచుకోవచ్చు.
దీని ఆకుల్లో నీటిని నిల్వ చేసుకునే గుణం ఉండటంతో తరచూ నీరు పోయాల్సిన అవసరం లేదు. అయితే, కుండీలో నీరు నిలిచిపోకుండా చూసుకోవడం ముఖ్యం.
స్నేక్ ప్లాంట్
నిలువుగా పెరిగే ఆకులతో కనిపించే స్నేక్ ప్లాంట్ చిన్న ఇళ్లకు కూడా సరిపోతుంది. తక్కువ వెలుతురులోనూ బతుకుతుంది.
నీటిని ఎక్కువగా పోయడం వల్ల వేర్లు కుళ్లిపోయే ప్రమాదం ఉంది. అందుకే మట్టి ఎండిన తర్వాతే నీరు అందించాలి.
జెడ్‌జెడ్ ప్లాంట్
ముదురు ఆకుపచ్చ ఆకులతో మెరిసిపోయే జెడ్‌జెడ్ ప్లాంట్ నిర్వహణ సులభం.
తక్కువ వెలుతురు ఉన్న గదుల్లోనూ పెరుగుతుంది. తరచూ నీరు పోయాల్సిన అవసరం ఉండదు.