1.2 Kg Gold Nugget: కష్టానికి ఫలితం...ఈ బంగారమే..అదృష్టం అంటే ఈయనదే
ఈ వార్తాకథనం ఏంటి
కష్టపడి వెతుకుతుంటే ఒక్కసారిగా అదృష్టం తలుపు తడితే ఎలా ఉంటుంది? ఆస్ట్రేలియాలో ఓ వ్యక్తికి ఎదురైన అనుభవం ఇప్పుడు ఆసక్తికరంగా మారింది. ఖనిజాల కోసం అన్వేషణ చేస్తున్న అతనికి ఏకంగా 1.2 కిలోల బరువున్న భారీ బంగారు గడ్డ దొరికినట్లు సమాచారం. దీని విలువ భారత కరెన్సీలో సుమారు రూ.1.5 కోట్ల నుంచి రూ.2 కోట్ల వరకు ఉంటుందని అంచనా వేస్తున్నారు. సాధారణంగా చిన్న చిన్న బంగారు రేణువుల కోసం గంటల తరబడి వెతకాల్సి వస్తుంది. అలాంటిది ఇంత పెద్ద బంగారు గడ్డ లభించడం అరుదైన విషయమే.
Details
మెటల్ డిటెక్టర్‌ ఇచ్చిన సంకేతంతో..
ఆస్ట్రేలియాలోని న్యూ సౌత్ వేల్స్ ప్రాంతంలో, టిబూబురా సమీపంలోని మౌంట్ స్టువర్ట్ స్టేషన్ పరిసరాల్లో ఈ అన్వేషణ జరిగినట్లు తెలుస్తోంది..
సుదీర్ఘకాలంగా మెటల్ డిటెక్టర్‌ సాయంతో ఖనిజాల కోసం వెతుకుతున్న ఆ వ్యక్తికి మొదట నిరాశే ఎదురైంది.
ఇక ఆ రోజు అన్వేషణ ఆపేయాలనుకుంటున్న సమయంలో అతని గోల్డ్ మాన్‌స్టర్‌ 2000 పరికరం నుంచి భిన్నమైన సంకేతం వచ్చింది.
ఆ ప్రాంతంలోని మట్టిని జాగ్రత్తగా తొలగించగా మెరిసే వస్తువు కనిపించింది. దాన్ని పూర్తిగా బయటకు తీసిన తర్వాత అది బంగారు గడ్డ అని గుర్తించడంతో అతని ఆనందానికి అవధులు లేకుండా పోయాయి.
Details
1.2 కిలోల బంగారం.. ఎంత విలువంటే?
లభించిన బంగారు గడ్డ మొత్తం బరువు 1.2 కిలోలు కాగా, అందులో సుమారు 940 గ్రాముల స్వచ్ఛమైన బంగారం ఉన్నట్లు అంచనా.
దీని విలువ 1.5 లక్షల నుంచి 1.6 లక్షల ఆస్ట్రేలియన్ డాలర్ల మధ్య ఉండవచ్చని సమాచారం. భారత కరెన్సీలో ఇది సుమారు రూ.1.5 కోట్ల నుంచి రూ.2 కోట్ల వరకు ఉంటుందని అంచనా వేస్తున్నారు.
అయితే వాస్తవ ధర బంగారం స్వచ్ఛత, అప్పటి మార్కెట్ రేటు, అరుదైన ఖనిజ నమూనాగా దానికి లభించే విలువపై ఆధారపడి ఉంటుంది.
Details
కలెక్టర్లకు విక్రయించే ఆలోచన!
ఈ అరుదైన బంగారు గడ్డకు 'టిబూబురా స్పౌడ్‌' అనే పేరు పెట్టినట్లు తెలుస్తోంది.. ఇంత పెద్ద పరిమాణంలో సహజంగా ఏర్పడిన బంగారు గడ్డలు చాలా అరుదుగా లభిస్తాయి.
అందువల్ల సాధారణ బంగారం ధరతో పాటు సేకరణ వస్తువుగా కూడా దీనికి ప్రత్యేక విలువ లభించే అవకాశం ఉంది.
ఈ బంగారాన్ని పురాతన వస్తువులు, అరుదైన ఖనిజ నమూనాలను సేకరించే వారికి విక్రయించాలని ఆ వ్యక్తి ఆలోచిస్తున్నట్లు సమాచారం.
అయితే ఈ ఘటనకు సంబంధించిన వివరాలు, అంచనా విలువ స్వతంత్రంగా ధృవీకరించాల్సి ఉంది.