City Birds: మగవారికి దగ్గరగా.. మహిళల నుంచి దూరంగా.. నగరాల్లో పక్షుల వింత నడవడి.! షాకింగ్ రీసెర్చ్
ఈ వార్తాకథనం ఏంటి
యూరప్లోని నగరాల్లో పక్షులు మహిళల కంటే పురుషులను ఎక్కువగా ఇష్టపడుతున్నట్లు తాజా అధ్యయనం వెల్లడించింది. People and Nature జర్నల్లో ప్రచురితమైన ఈ పరిశోధనలో ఐదు దేశాల్లోని 37 రకాల పక్షులను పరిశీలించారు. మనుషులు దగ్గరయ్యే సమయంలో మహిళల నుంచి పక్షులు త్వరగా ఎగిరిపోతుండగా, పురుషులను మాత్రం కొంచెం దగ్గరగా అనుమతిస్తున్నాయని గుర్తించారు. ఈ పరిశోధనలో 'ఫ్లైట్ ఇనిషియేషన్ డిస్టెన్స్' అనే ప్రమాణంతో పక్షుల భయాన్ని కొలిచారు. చెక్ రిపబ్లిక్, ఫ్రాన్స్, జర్మనీ, పోలాండ్, స్పెయిన్ నగరాల్లో ఈ అధ్యయనం జరిగింది. పావురాలు లాంటి కొన్ని పక్షులు మనుషులకు అలవాటు పడగా, మాగ్పైలు వంటి పక్షులు త్వరగా ఎగిరిపోతున్నాయి.
వివరాలు
2,701 పరిశీలనల్లో ఇదే ట్రెండ్
మహిళలతో పోలిస్తే పురుషులు పక్షులకు ఎక్కువగా దగ్గరయ్యారని అధ్యయనం తెలిపింది. మొత్తం 2,701 పరిశీలనల్లో ఇదే ట్రెండ్ కనిపించింది. ఈ ఫలితాలు నిజమేనని చెబుతున్నప్పటికీ, ఎందుకు ఇలా జరుగుతుందో స్పష్టంగా చెప్పలేమని పరిశోధకుడు డేనియల్ బ్లూమ్స్టీన్ తెలిపారు. శరీర ఆకృతి, నడక తీరు, వాసనల వంటి కారణాలు ఉండవచ్చని శాస్త్రవేత్తలు భావిస్తున్నారు.