ప్రపంచంలోనే అత్యంత ఖరీదైన 45లక్షల రూపాయల వాటర్ బాటిల్ గురించి తెలుసుకోండి
ఒక నీళ్ల బాటిల్ ఖరీదు ఎంత ఉంటుంది? మామూలుగా దొరికేది 20రూపయలు, కొంచెం ఖరీదు అనుకుంటే 100 ఉంటుంది. కానీ 45లక్షల రూపాయల వాటర్ బాటిల్ ఎక్కడైనా ఉంటుందా? ఉండదనుకుంటే మీరు పొరపాటు చేసినట్టే. గిన్నిస్ బుక్ ఆఫ్ వరల్డ్ రికార్డులో చోటు దక్కించుకున్న ఈ బాటిల్ గురించి మీరు తెలుసుకోవాలి. ఈ నీటి బాటిల్ పేరు అక్వా డి క్రిస్టల్లో ట్రిబ్యూటో ఏ మోడిగిలాని. దీన్ని తయారు చేసింది ఫెర్నాండో అల్టామిరానో. ఈ బాటిల్ తయారీలో బంగారాన్ని ఉపయోగిస్తారు. ఈ నీటిలో 5గ్రాముల బంగారం కలుస్తుందట. ఇది ఆరోగ్యానికి మేలు చేస్తుందట. ఫ్రాన్స్ లేదా ఫిజి దేశంలో ఈ నీరు తయారైందని సమాచారం.
21,355రూపాయల నుండి మొదలయ్యే బాటిల్ ధరలు
45లక్షల రూపాయల బాటిల్, చూడడానికి చాలా అందంగా ఉంటుంది. ఈ బాటిల్ ని లెదర్ తో చేసిన బ్యాగులో ఉంచుతారు. 750మిల్లీ లీటర్ల బాటిల్ లోని నీరు తాగాలంటే పెట్టి పుట్టాలన్నమాట. మరో విషయం ఏంటంటే, ఈ నీళ్ళ బాటిల్, వివిధ రకాల సైజుల్లో దొరుకుతుంది. గరిష్టంగా 750మిల్లీ లీటర్లు మాత్రమే ఉంటుంది. వివిధ రకాల సైజులకు వివిధ రకాల ధరలు ఉన్నాయి. ఒకవేళ తక్కువ ధర చెల్లించి ఈ బాటిల్ లోని నీరు మీరు తాగాలనుకుంటే మీ దగ్గర 21,355రూపాయలు ఉండాల్సిందే. అంతకన్నా తక్కువ ధరకు ఈ నీళ్ళ బాటిల్ అందుబాటులో లేదు. ఈ నీళ్లు తాగడం వల్ల చర్మం యవ్వనంగా ఉంటుంది.
ఈ టైమ్ లైన్ ని షేర్ చేయండి