ఆయుర్వేద మందులు హాని చేస్తాయా? ఆయుర్వేదంపై జనాల్లో ఉన్నా అపోహలు
భారతదేశ సంస్కృతిలో ఆయుర్వేదం కూడా ఒక భాగం. ఎందరో మహర్షులు ఆయుర్వేద జ్ఞానాన్ని భారతావనికి అందించారు. 5వేల యేళ్ళ క్రితం నుండి ఆయుర్వేదం వాడుకలో ఉంది. అయితే ఆయుర్వేదం గురించి చాలామందిలో కొన్ని అపనమ్మకాలున్నాయి. అవేంటో తెలుసుకుని వాటిని ఈరోజు బద్దలు కొడదాం. అపోహ: ఆయుర్వేద మందులు అస్సలు హాని చేయవు ఇది పూర్తిగా నిజం కాదు, వైద్యులు సూచించిన విధంగా వాడకుండా ఇష్టం వచ్చినట్టుగా ఆయుర్వేద మందులను వాడితే వాటివల్ల హాని కలిగే అవకాశం ఉంది. ఒక్క ఆయుర్వేదమనే కాదు ఏ మందులైనా వైద్యులు సూచించిన మేరకు మాత్రమే వాడాలి. లేదంటే సైడ్ ఎఫెక్ట్స్ ఉంటాయి.కాబట్టి సొంతంగా మందులు తీసుకోవడం అంత మంచి విషయం కాదు.
ఆయుర్వేదంపై జనాల్లో ఉన్న అపనమ్మకాలు
అపోహా: కేవలం మాంసం తినని వారికి మాత్రమే ఆయుర్వేదం సరైనది ఇది నిజం కాదు, మాంసం తినే వాళ్ళు కూడా ఆయుర్వేద మందులు వాడవచ్చు. మీ ఆహార అలవాట్లను బట్టి ఏది తినాలో ఏదీ తినకుడదో ఆయుర్వేద వైద్యులు చెబుతారు. అపోహా: ఆయుర్వేద వైద్యం పనిచేయడానికి ఎక్కువ సమయం పడుతుంది. ఈ నమ్మకం చాలామందిలో ఉంటుంది. అయితే ఆయుర్వేద వైద్యం అనేది శరీరంలోని రోగాన్ని పూర్తిగా నిర్మూలించేందుకు కృషి చేస్తుంది. రోగం తాలూకు పుట్టుకను వేర్ల నుండి తీసివేస్తుంది. అపోహా: ఆయుర్వేదానికి కాలం చెల్లింది ఆయుర్వేదం పాతకాలం నుండి ఉన్నదే కానీ పాతబడిపోయినది మాత్రం కాదు. కరోనా టైమ్ లో ప్రపంచం మొత్తం ఆయుర్వేద మూలికల మీదే ఆధారపడిందన్న వాస్తవం మర్చిపోకూడదు.
