అమూల్ బ్రాండ్ లోగో గర్ల్ ఇమేజ్ సృష్టికర్త సిల్వస్టర్ డాకన్హా విశేషాలు
ఈ వార్తాకథనం ఏంటి
ప్రఖ్యాత పాల బ్రాండ్ అమూల్ మిల్క్ గురించి అందరికీ తెలుసు. అమూల్ పాలు గుర్తు రాగానే ఆ ప్యాకెట్ మీద ఉండే లోగో గుర్తుకొస్తుంది.
బట్టర్ పూసిన బ్రెడ్ ని చేతిలో పట్టుకున్న పాపాయి బొమ్మతో ఉన్న అమూల్ లోగోఎంత పాపులరో చెప్పాల్సిన పనిలేదు. ఈ లోగో సృష్టికర్త పేరు సిల్వస్టర్ డాకన్హా. 1960ప్రాంతంలో ఈ లోగోను సృష్టించారు.
అయితే ఈ నెల 20వ తేదీన ముంబైలో డాకన్హా కన్నుమూసారు. ఈ విషయాన్ని గుజరాత్ కో-ఆపరేటివ్ మిల్క్ మార్కెటింగ్ ఫెడరేషన్ ప్రకటించింది.
80ఏళ్ళ వయసులో డాకన్హా కన్నుమూసారు. ప్రస్తుతం డాకన్హా అడ్వర్టైజ్మెంట్ ఏజెన్సీకి ఆయన కుమారుడు రాహుల్ డాకన్హా అధిపతిగా ఉన్నారు.
Details
పాపాయి బొమ్మతో కార్టూన్లు
అమూల్ కోసం లోగో క్రియేట్ చేసేందుకు జరిగిన ఇంటర్వ్యూలో, కిచెన్ లోకి ఒక చిన్నపాప పరుగెడుతుందనే ఐడియాను డాకన్హ ఇచ్చారట. దాన్ని డెవలప్ చేసి లోగో క్రియేట్ చేసారు.
అమూల్ గర్ల్ లోగోతో అనేక రకాల కార్టూన్లు తయారు చేసేవారు. ఈ కార్టూన్లు సెటైరికల్ గా, ఫన్నీగా ఉండేవి. ఇప్పటికీ ప్రస్తుతం జరుగుతున్న విషయాలపై కార్టూన్లు వస్తుంటాయి.
అయితే డాకన్హా తయారు చేసిన కొన్ని అమూల్ యాడ్స్, వివాదాలకు దారితీసాయి. 1969లో హరే రామ హరే కృష్ణ మూమెంట్ సమయంలో వచ్చిన హర్రీ అమూల్ హర్రీ మమ్మీ, 1970లో నక్సలైట్ ఉద్యమంలో వచ్చిన బ్రెడ్ వితౌట్ బట్టర్, ఛోల్బేన అనే యాడ్ వివాదాలకు తెరలేపాయి. ఆ తర్వాత వీటిని వెనక్కు తీసుకోవాల్సి వచ్చింది.