సంక్రాంతి సంబరం: పాలతో తయారయ్యే నోరూరించే తీపి పదార్థాలు, మీకోసమే
ఈ వార్తాకథనం ఏంటి
సంక్రాంతి వచ్చిందే తుమ్మెదా, సరదాలే తెచ్చిందే తుమ్మెదా అని పాడుకోవాల్సిన సమయం వచ్చేసింది. తెలుగు లోగిళ్ళలో సంక్రాంతి సంబరం ముందుగానే వచ్చింది.
సంక్రాంతికి పిండి వంటలు, తీపి పదార్థాలు చేసుకుంటాం. అందులో వెరైటీలు ప్రయత్నించాలనుకునే వారు పాలతో తయారయ్యే ఈ రెసిపీస్ చూడండి.
ఆపిల్ పాలు: వినడానికి వింతగా ఉన్నా కూడా దీన్ని తయారు చేయడం చాలా ఈజీ. ఒక పాత్రలో పాలను తీసుకుని అవి సగం అయ్యేవరకు వాటిని మరిగించాలి. కొంచెం చక్కెర వేసి తక్కువ మంట మీద ఉంచాలి.
ఈ టైమ్ లో రెండు ఆపిల్స్ తీసుకుని వాటిని బాగా తరిగి మరుగుతున్న పాలలో వేయాలి. 5నిమిషాలు అలాగే ఉంచి, ఏలకులు, పిస్తా, బాదం అందులో వేసి అందరికీ అందించండి.
పాలతో తయారయ్యే తీపి పదార్థాలు
పాలతో తయారయ్యే మరిన్ని వెరైటీలు
పాల పోహ: కొన్ని అటుకులను నీళ్ళలో నానబెట్టాలి. ఆ తర్వాత వడబోసుకుని నీళ్ళను వంచేసి అటుకులను పక్కన పెట్టుకోవాలి. ఇప్పుడు మరో పాత్రలో పాలు, బిర్యానీ ఆకు, ఏలకులను మరిగించాలి.
తడిగా ఉన్న అటుకులను పాలల్లో వేయాలి. కాసేపయ్యాక బెల్లం, చక్కెర వేసి కలపాలి. చివరగా డ్రై ఫ్రూట్స్ వేసి మీకు నచ్చిన వారికి వడ్డించండి.
పాయసం: మరుగుతున్న పాలలో కొంచెం బియ్యం పిండిని వేయాలి. ఆ మిశ్రమం ముద్దలుగా కాకుండా కలుపుతూ ఉండాలి. కావాల్సినంత తీపి కోసం చక్కెరను కలుపుకుని మరిగించాలి.
గట్టి మిశ్రమంలా మారిన తర్వాత స్టవ్ మీద నుండి కిందకు దించి ఏలకులను నలగ గొట్టి ఆ మిశ్రమం మీద జల్లాలి. ఆ తర్వాత అందరికీ సర్వ్ చేయండి.