క్యాన్సర్ ని తరిమికొట్టే క్యాబేజీ రకం కూరగాయ గురించి తెలుసుకోండి
ఈ వార్తాకథనం ఏంటి
క్యాబేజీ, కాలీఫ్లవర్, బ్రోకలీ, బోక్ చోయ్, బ్రస్సెల్ మొలకలు మొదలగు ఒకే రకానికి చెందిన ఆహారాలు క్యాన్సర్ రాకుండా అరికట్టడంలో సాయపడతాయి. అవును.. వీటిల్లో క్యాన్సర్ ని అరికట్టే పోషకాలు ఉన్నాయి.
కేలరీలు తక్కువగా ఉండి, ఫైబర్, ఫోలేట్, విటమిన్ సి, ఈ, కె ఎక్కువగా ఉంటాయి. బరువు తగ్గడానికి ఫైబర్ చాలా మేలు చేస్తుంది. దీనివల్ల ఆహారం ఎక్కువగా తినకుండా ఉంటారు.
అంతేకాదు ఇందులో ఫైటో న్యూట్రియంట్స్ ఉంటాయి. దీనివల్ల శరీరంలో వాపులు, నొప్పులు తగ్గుతాయి. అలాగే క్యాన్సర్ కణాలు ఏర్పడకుండా ఉంటాయి.
ఐతే పైన చెప్పుకున్న కూరగాయల్లో ప్రత్యేకంగా బ్రస్సెల్ మొలకల గురించి చెప్పుకోవాలి. అమెరికన్ ఇన్స్టిట్యూట్ ఆఫ్ క్యాన్సర్ రీసెర్చ్ అధ్యయనం ప్రకారం ఇవి క్యాన్సర్ ని అడ్డుకుంటాయి.
క్యాన్సర్
క్యాన్సర్ అడ్డుకునే బ్రస్సెల్స్ మొలకలు
రోజువారి ఆహార దినచర్య సరిగ్గా లేకపోవడం, పోషకాలు ఉన్న ఆహారాలను తీసుకోకపోవడం వల్ల శరీరంలోని కణాల్లో మార్పులు వస్తాయి. ఆ మార్పులు ఒక్కోసారి కణాలకు పోషకాలను అందించి క్యాన్సర్ గడ్డలుగా మారుస్తాయి.
అందుకే ఆహారంలో ఎలాంటి పోషకాలు తీసుకోవాలో తెలుసుకోవాలి. బ్రస్సెల్స్ మొలకల్లో ఫైటో న్యూట్రియంట్స్ ఉంటాయి. ఇవి క్యాన్సర్ కణాలకు పోషకాలను అందించకుండా అడ్డుకుంటాయి.
దానివల్ల క్యాన్సర్ గడ్డలు ఏర్పడవు. గ్లూకోసినోలేట్ అనే పదార్థం ఇందులో ఉండడం వల్ల క్యాన్సర్ కణాలను అడ్డుకుంటాయి. రొమ్ము క్యాన్సర్ ని అడ్డుకోవడంలో బ్రస్సెల్స్ మొలకలు ఉపయోగపడతాయని అధ్యయనంలో పేర్కొన్నారు.
ఈ మొలకలు చిన్న చిన్న క్యాబేజీల్లాగా ఉంటాయి. ఇవి బెల్జియంలోని బ్రస్సెల్స్ లో బాగా ప్రసిద్ధి పొందినవి. అందువల్లే వీటికి ఆ పేరు వచ్చింది.