పొద్దున్న వేసుకున్న మేకప్ సాయంత్రానికల్లా తొలగిపోతుంటే పాటించాల్సిన చిట్కాలు
ఈ వార్తాకథనం ఏంటి
ఉదయం అందంగా రెడీ అయ్యి ఫంక్షన్ కి వెళ్ళి రాత్రి తిరిగి వచ్చేసరికి ముఖమంతా మేకప్ చారికలు కనిపిస్తున్నాయా? అక్కడక్కడా తొలగిపోయిన మేకప్ తో అందవిహీనంగా కనిపిస్తున్నారా? మీ ముఖం మీద మేకప్, ఎక్కువ సేపు నిలవాలంటే కొన్ని చిట్కాలు పాటించాలి.
చర్మాన్ని ప్రిపేర్ చేయండి:
మేకప్ ఎక్కువ సేపు నిలవాలంటే మీ చర్మాన్ని ప్రిపేర్ చేయాలి. అంటే, చర్మం మీద వచ్చే అనవసర జిడ్డుదనాన్ని తొలగించాలి. చనిపోయిన చర్మకణాలను తొలగించడానికి ఎక్స్ ఫోలియేట్స్ వాడాలి. టోనర్, ఆయిల్ లేని మాయిశ్చరైజర్లను ఉపయోగించడం వల్ల చర్మానికి సరికొత్త రూపు వస్తుంది.
ప్రైమర్ వాడండి:
ఆయిల్ లేని నీళ్ళు కలిగిన ప్రైమర్ వాడటం వల్ల చర్మం అందంగా తయారవుతుంది.
మేకప్
ఎక్కువ సేపు మేకప్ చెరిగిపోకుండా ఉండాలంటే చేయాల్సిన పనులు
ఆయిల్ ఫ్రీ ఫౌండేషన్: చర్మాన్ని ప్రిపేర్ చేసిన తర్వాత మీకు సరిపోయే ఆయిల్ ఫ్రీ ఫౌండేషన్ ను వాడండి. వాటర్ ప్రూఫ్ అయితే బెటర్. ఈ ఫౌండేషన్ కారణంగా మేకప్ తొలగిపోకుండా ఉంటుంది. కళ్ళ కింద నల్లటి వలయాలను పోగొట్టడానికి లైట్ కలర్ కాన్సీలర్ వాడండి.
సెట్టింగ్ పౌడర్: ఫౌండేషన్, ప్రైమర్ కారణంగా మీ ముఖం మీద ఒక కేక్ ముద్దలాగా కనిపించే అవకాశం ఉంది. అలాంటప్పుడే పౌడర్ అద్దుకోవాలి. పౌడర్ అద్దుకోవడంలో జాగ్రత్తగా ఉండాలి. చిన్నచిన్న సర్కిల్స్ లా అద్దుకోకుండా ముఖమంతా ఎలాంటి సర్కిల్స్ ఏర్పడకుండా అద్దాలి.
వాటర్ ప్రూఫ్ మస్కరా ఐ లైనర్: వాటర్ ప్రూఫ్ వాడటం వల్ల మీ మేకప్ తొందరగా చెరిగిపోదు. ఈ విషయంలో జాగ్రత్తగా ఉండాలి.