చుండ్రును పోగొట్టి జుట్టును మృదువుగా, మెరిసేలా చేసే అరటి పండు మాస్క్
ఈ వార్తాకథనం ఏంటి
మన రోజువారి అలవాట్ల కారణంగా జుట్టులో మెరిసే గుణం తగ్గిపోయి, చుండ్రు తయారై అస్తవ్యస్తంగా మారుతుంది. మరి జుట్టును ఆరోగ్యంగా ఉంచుకోవడానికి మార్కెట్లో వస్తువులు వాడాల్సిందేనా?
ఎక్కువ డబ్బులు పెట్టి కండీషనర్లు, షాంపూలు వంటివి కొనుక్కోవాల్సిన పనిలేకుండా తక్కువ ఖర్చుతో అరటి పండు మాస్క్ తయారు చేసుకున్నా, జుట్టుకు సంబంధిత ఇబ్బందులు దూరమైపోతాయి.
అరటి పండు, పాలు కలిపిన మాస్క్:
క్రమం తప్పకుండా జుట్టుకు రంగు వేయడం, రసాయనాలున్న సాధనాలు వాడం వల్ల జుట్టు దెబ్బతింటుంది. దీన్నుండి అరటి పండు కాపాడుతుంది.
పాలల్లో అరటి పండు వేసి బాగా నలగ్గొట్టి, ఆ మిశ్రమాన్ని జుట్టుకు మర్దన చేయాలి. 40నిమిషాల తర్వాత చల్లటి నీళ్ళతో కడిగితే సరిపోతుంది. దీనివల్ల జుట్టు విరిగిపోవడం తగ్గుతుంది.
కేశ సంరక్షణ
అరటి పండుతో తయారయ్యే ఇతర హెయిర్ మాస్క్ లు
అరటి పండు, ఆలివ్ ఆయిల్, కలబంద మాస్క్:
కలబందలోని ఏ, బీ., సీ విటమిన్ల కారణంగా చుండ్రు తొలగిపోవడంతో పాటు వెంట్రుకలు బాగా పెరుగుతాయి. కలబంద, అరటి పండు, ఆలివ్ ఆయిల్ ని ఒక దగ్గర గ్రైండ్ చేసి, పేస్ట్ లాగా తయారు చేయాలి. ఆ తర్వాత జుట్టుకు మర్దన చేసి, 20నిమిషాల తర్వాత గోరువెచ్చని నీటితో కడగాలి.
అరటి పండు, అవకాడో:
అరటి పండును, అవకాడోను నలగ్గొట్టి, ఆ పేస్ట్ కి కొంత ఆలివ్ ఆయిల్ కలిపి జుట్టుకు మర్దన చేయాలి. 15నిమిషాల తర్వాత కడిగేస్తే మంచిది. అవకాడోలోని లక్షణాలు వెంట్రుకలకు బలాన్ని అందించి విరిగిపోకుండా కాపాడతాయి. అలాగే వెంట్రుకలకు సరికొత్త మెరుపును తీసుకొస్తుంది.