Apple: ఏఐ వేరబుల్స్పై ఆపిల్ దూకుడు.. స్మార్ట్ గ్లాసెస్, ఏఐ పిన్, కెమెరా ఎయిర్పాడ్స్కు ప్లాన్
ఈ వార్తాకథనం ఏంటి
ఆపిల్ సంస్థ ఏఐ ఆధారిత కొత్త వేరబుల్ పరికరాలపై గట్టిగా దృష్టి పెట్టింది. స్మార్ట్ గ్లాసెస్, ఏఐ పిన్ లేదా పెండెంట్, కెమెరా ఉన్న ఎయిర్పాడ్స్ వంటి పరికరాలను తీసుకురావడానికి ఏర్పాట్లు చేస్తోంది. బ్లూమ్బర్గ్కు చెందిన మార్క్ గుర్మన్ వెల్లడించిన వివరాల ప్రకారం, ఈ మూడు పరికరాలన్నింటిలో కెమెరాలు ఉండి, ఐఫోన్తో సులభంగా కనెక్ట్ అవుతాయి. దీంతో సిరి కళ్లముందు కనిపించే విషయాలను గుర్తించి పనులు చేయగలుగుతుంది. డిసెంబర్ 2026 నాటికి ఉత్పత్తిలోకి రానున్న యాపిల్ స్మార్ట్ గ్లాసెస్, మెటా స్మార్ట్ గ్లాసెస్కు పోటీగా నిలవనున్నాయి. వీటిలో స్పీకర్లు, మైకులు, హై రిజల్యూషన్ కెమెరా ఉండి ఫోటోలు, వీడియోలు తీయొచ్చు.
వివరాలు
మరో లెన్స్ ద్వారా ఏఐ ఫీచర్లు
మరో లెన్స్ ద్వారా ఏఐ ఫీచర్లు కూడా పనిచేస్తాయి. డిస్ప్లే ఉంటుందా లేదా అన్నదానిపై స్పష్టత లేకపోయినా, కాల్స్ చేయడం, సిరితో మాట్లాడడం, పాటలు వినడం,చుట్టూ ఉన్న పరిస్థితులను బట్టి పనులు చేయడం వంటి సౌకర్యాలు ఉంటాయని సమాచారం. కనిపించే వస్తువులను గుర్తించడం, ప్రదేశాలను ఆధారంగా దారులు చూపించడం,కొన్ని సందర్భాల్లో పనులు గుర్తు చేయడం కూడా వీటి ప్రత్యేకతగా చెబుతున్నారు. మెటా లాగా ఇతర కంపెనీలతో భాగస్వామ్యం కాకుండా, ఆపిల్ స్వయంగా గ్లాసెస్ ఫ్రేమ్లను అభివృద్ధి చేస్తోంది.
వివరాలు
ఏఐ పెండెంట్పై కూడా పనిచేస్తున్న ఆపిల్
తొలిదశ నమూనాల్లో బ్యాటరీ ప్యాక్, ఐఫోన్కు వైర్తో కనెక్ట్ చేసినా, కొత్త వెర్షన్లలో అన్ని భాగాలు ఫ్రేమ్లోనే ఉంటాయని తెలుస్తోంది. ఇదే సమయంలో, మెడలో ధరించేలా లేదా పిన్లా పెట్టుకునే ఏఐ పెండెంట్పై కూడా ఆపిల్ పని చేస్తోంది. ఇది ఐఫోన్కు ఎప్పుడూ ఆన్లో ఉండే కెమెరాగా పనిచేస్తూ, సిరిని యాక్టివేట్ చేయడానికి మైకును కలిగి ఉంటుంది. అలాగే 2026లో కొత్త ఫీచర్లతో ఎయిర్పాడ్స్ను కూడా తీసుకురావాలని యాపిల్ యోచిస్తోంది. వీటిలో తక్కువ రిజల్యూషన్ కెమెరాలు ఉండి, ఏఐ సహాయంతో పరిసరాలను విశ్లేషించే అవకాశం ఉంటుంది.