Apple Event 2023: నేడే ఆపిల్ ఈవెంట్.. కాసేపట్లో ఐఫోన్ 15 సిరీస్ లాంచ్!
ఈ వార్తాకథనం ఏంటి
ఆపిల్ లవర్స్ ఎంతగానో ఎదురుచూస్తున్న 'వండర్ లస్ట్' ఈవెంట్ నేడు జరగనుంది. ఈ ఈవెంట్‌లో ఐ ఫోన్ 15 సిరీస్ తో పాటు ఇతర గ్యాడ్జెట్స్ కూడా లాంచ్ కానున్నాయి.
భారత కాలమానం ప్రకారం రాత్రి 10.30గంటలకు కాలిఫోర్నియాలో ఈ ఈవెంట్ ప్రారంభం కానుంది.
USB-Cతో కూడిన AirPods ప్రో తో స్మార్ట్ ఫోన్ వాచ్ లు, యాపిల్ వాచ్ లు, ఓఎస్ అప్ డేట్స్ కు సంబంధించిన ప్రకటనలు ఈ వేదికగా వెలువడే అవకాశం ఉంది.
తాజాగా ట్విట్టర్ వ్యవస్థాపకుడు ఎలాన్ మస్క్ ఐ ఫోన్ లవర్స్ కోసం మ‌రో కీల‌క నిర్ణ‌యాన్ని తీసుకున్నాడు. లైక్ చేసే బ‌ట‌న్ ను మారుస్తున్నట్లు ట్విట్టర్ వేదికగా ఆయన ప్రకటించాడు
Details
ఐఫోన్ 16 సిరీస్పై అప్డేట్..?
ఐఫోన్ 15, ఐఫోన్ 15 ప్లస్‌, ఐఫోన్ 15 ప్రో, ఐఫోన్ 15 ప్రో మ్యాక్స్‌ ఫోన్లను ఈ వేదికగా యాపిల్ విడుదల చేయనుంది.
ఈ సారి లైటనింగ్‌ పోర్ట్‌ బదులుగా ఈయూ కామన్‌ ఛార్జర్‌ నిబంధనలకు అనుగుణంగా యూఎస్‌బీ టైప్‌-సి పోర్టుతో ఈ ఫోన్లు రానున్నట్లు సమాచారం.
సాధారణంగా ఆపిల్ ఈవెంట్ వస్తోందంటే అప్పుడు లాంచ్ చేసే ఐఫోన్ సిరీస్ తో పాటు ఆ తర్వాత వచ్చే సిరీస్ పైనా ఆసక్తి నెలకుంటుంది. ఈ తరుణంలో ఐఫోన్ 16 సిరీస్ పైనా బజ్ నెలకొంది.
ఆపిల్ వాచ్ సిరీస్ 9, ఆపిల్ వాచ్ అల్ట్రా, ఎయిర్ బడ్స్, ఎయిర్ బడ్స్ మాక్స్ ఈ ఈవెంట్ లో ప్రవేశపెట్టనున్నట్లు తెలుస్తోంది.