Apple: ఐఫోన్ 18 ప్రోకు కొత్త కలర్ సర్ప్రైజ్.. డీప్ రెడ్ టెస్టింగ్లో ఆపిల్
ఈ వార్తాకథనం ఏంటి
ఆపిల్ అభిమానులకు గుడ్ న్యూస్. ఐఫోన్ 17 ప్రోలో ఆరెంజ్ కలర్కు వచ్చిన సూపర్ రెస్పాన్స్ తర్వాత,ఇప్పుడు ఐఫోన్ 18 ప్రో సిరీస్లో కొత్త డీప్ రెడ్ కలర్ తీసుకురావాలని ఆపిల్ పరీక్షలు చేస్తోందని సమాచారం. రాబోయే ఐఫోన్ 18 ప్రో,ప్రో మాక్స్ మోడళ్లలో ఈ గాఢ ఎరుపు రంగు ఆప్షన్ ఉండే అవకాశం ఉందని తెలుస్తోంది. ముఖ్యంగా చైనా, ఇండియా మార్కెట్లలో ఆరెంజ్ షేడ్కు భారీ స్పందన రావడంతో, హైఎండ్ ఫోన్లలో కూడా మరింత ఆకర్షణీయమైన కలర్స్ ఇవ్వాలనే ప్లాన్లో ఆపిల్ ఉన్నట్టు బ్లూమ్బర్గ్ రిపోర్ట్ చెబుతోంది.
వివరాలు
ఐఫోన్ 18 ప్రో సిరీస్లో పాపులర్ కాస్మిక్ ఆరెంజ్
ఇక ఐఫోన్ 18 ప్రో సిరీస్లో పాపులర్ కాస్మిక్ ఆరెంజ్తో పాటు పర్పుల్, బ్రౌన్ వంటి షేడ్స్ కూడా పరిశీలనలో ఉన్నాయని ముందుగా వార్తలు వచ్చాయి. అయితే ఇవన్నీ డీప్ రెడ్ వేరియంట్లే కావచ్చని తాజా సమాచారం. సాధారణంగా ప్రో మోడళ్లలో సాదాసీదా కలర్స్ ఇచ్చే ఆపిల్, ఈసారి మాత్రం కొంచెం బోల్డ్గా ముందుకు వెళ్లేలా కనిపిస్తోంది. మరోవైపు ఐఫోన్ ఫోల్డ్ రెండు కలర్స్లో రానుందని టాక్ - బ్లాక్ లేదా డార్క్ గ్రే, అలాగే వైట్ లేదా లైట్ సిల్వర్. కానీ ప్రో మోడళ్లలా బ్రైట్ కలర్స్ మాత్రం ఫోల్డ్లో ఉండవని సమాచారం. కొత్త ప్రో ఐఫోన్లు, ఫోల్డబుల్ ఐఫోన్ ఈ ఏడాది సెప్టెంబర్లో మార్కెట్లోకి వచ్చే అవకాశం ఉంది.