Apple: iOS 27లో Genmojiకి సూపర్ అప్డేట్.. మరింత స్మార్ట్గా మారనున్న ఫీచర్
ఈ వార్తాకథనం ఏంటి
ఆపిల్ తన Genmoji ఫీచర్ను మరింత ఆధునికంగా మార్చేందుకు సిద్ధమవుతోంది. త్వరలో రానున్న iOS 27 అప్డేట్లో "Suggested Genmoji"పేరుతో కొత్త ఫీచర్ను తీసుకురానున్నట్లు బ్లూమ్బర్గ్కు చెందిన మార్క్ గుర్మన్ వెల్లడించారు. ఈ ఫీచర్ ద్వారా యూజర్ల ఫోటో లైబ్రరీ, కీబోర్డ్ హిస్టరీ ఆధారంగా ఎమోజీ సూచనలు కనిపించనున్నాయి. ఇప్పటికే iOS 18.2లో Apple Intelligence భాగంగా Genmoji ఫీచర్ను ప్రవేశపెట్టిన ఆపిల్.. టెక్స్ట్ ప్రాంప్ట్లతో కస్టమ్ ఎమోజీలు తయారు చేసుకునే అవకాశం ఇచ్చింది. తర్వాత iOS 26లో ఈ ఫీచర్ను మరింత మెరుగుపరుస్తూ రెండు ఎమోజీలను కలిపే ఆప్షన్ కూడా అందించింది. ఇప్పుడు iOS 27లో Suggested Genmoji ద్వారా యూజర్లకు ఆటోమేటిక్గా సరిపోయే ఎమోజీ ఐడియాలను సూచించేలా ప్లాన్ చేస్తోంది.
వివరాలు
యూజర్ ప్రైవసీకి ఎలాంటి ఇబ్బంది ఉండదు: ఆపిల్
ఈ ఫీచర్ iPhone, iPad డివైస్లకు వచ్చే తదుపరి సాఫ్ట్వేర్ అప్డేట్లో ఆప్షనల్గా అందుబాటులోకి రానుంది. అయితే ఈ ఫీచర్ ఎలా పనిచేస్తుందనే విషయంపై పూర్తి వివరాలు ఇంకా బయటకు రాలేదు. యూజర్ చాట్లు, మెసేజ్ కాంటెక్స్ట్ను విశ్లేషించి తగిన Genmojiలను సూచించే అవకాశం ఉందని తెలుస్తోంది. ఉదాహరణకు బర్త్డే గురించి చాట్ చేస్తే కేక్ లేదా కన్ఫెట్టి తరహా Genmojiలను iOS సూచించవచ్చు. ముఖ్యంగా ఈ మొత్తం ప్రక్రియ డివైస్లోనే పనిచేయనుండటంతో యూజర్ ప్రైవసీకి ఎలాంటి ఇబ్బంది ఉండదని ఆపిల్ చెబుతోంది.