15వేల లోపు బెస్ట్ బడ్జెట్ స్మార్ట్ టీవీలు.. కోడాక్ నుంచి లాంచ్
భారతదేశంలో సాధారణ టీవీల కంటే స్మార్ట్ టీవీలకు ఫుల్ డిమాండ్ ఉంది. తక్కువ బడ్జెట్ ధరలోనే ఆకట్టుకొనే ఫీచర్లను అందిస్తుండటంతో వీటిని కొనుగోలు చేసే వారి సంఖ్య రోజు రోజుకు పెరుగుతూనే వస్తోంది. ఈ డిమాండ్ ను క్యాష్ చేసుకునేందుకు కొడాక్ ఎస్ఈ టీవీ సిరీస్ లాంచ్ అయింది. తక్కువ బడ్జెట్ ధరలతో మూడు స్మార్ట్ టీవీలు ఇండియా మార్కెట్లోకి అడుగుపెట్టాయి. లైనక్స్ ఆపరేటింగ్ సిస్టమ్, క్వాడ్ కోర్ ప్రాసెసర్ తో ఇవి ముందుకొచ్చాయి. కొడాక్ ఎస్ఈ 24 ఇంచులు, 32 ఇంచుల మోడల్ టీవీలు హెచ్ డీ రెడీ ఎల్ఈడీ డిస్ ప్లేను కలిగి ఉన్నాయి. ఈ టీవీల్లో 20 వాట్ల సౌండ్ ఔట్ పుట్ ఇచ్చే స్పీకర్లు ఉన్నాయి.
కొడాక్ ఎస్ఈ స్మార్ట్ టీవీల ధరలు
ఇక 40 ఇంచుల మోడల్ లో 30 వాట్లు సౌండ్ ఔట్ పుట్ ఇచ్చే స్పీకర్లతో వచ్చింది. యూట్యూబ్, ప్రైమ్ వీడియో, సోనీ లివ్, యూట్యూబ్, జీ5 లాంటి కొన్ని ప్రీలోడెడ్ యాప్‍లతో ఈ సిరీస్ టీవీలు రావడం విశేషం. కొడాక్ ఎస్ఈ సిరీస్ స్మార్ట్ టీవీలు వైఫై కనెక్టివిటీని కలిగి ఉన్నాయి. అయితే, బ్లూటూత్ కనెక్టివిటీ సపోర్టు మాత్రం చేయదు. కొడాక్ ఎస్ ఈ సిరీస్ 24 ఇంచుల స్మార్ట్ టీవీ ధర 6,449, 32 ఇంచుల టీవీ రూ.9,449, 40 ఇంచుల టీవీ రూ.15,999 గా ఉంది. ఈ కామర్స్ సైట్ అమెజాన్ లో ఈ టీవీ లు అందుబాటులోకి వచ్చాయి.
