చంద్రయాన్-3: చంద్రుడి దారిలో మరింత దగ్గరగా స్పేస్ క్రాఫ్ట్
భారత అంతరిక్ష పరిశోధనా సంస్థ(ISRO) ప్రతిష్టాత్మకంగా చేపట్టిన చంద్రయాన్-3 ప్రయోగం తన ప్రయాణాన్ని కొనసాగిస్తూనే ఉంది. ఇప్పటివరకు చంద్రయాన్-3 అంతరిక్ష నౌక హెల్త్ సాధారణంగానే ఉందని ఇస్రో తెలిపింది. చంద్రయాన్-3 ప్రయోగంలో మరో మైలురాయిని చేరుకోనున్నట్లు వెల్లడి చేసిన ఇస్రో, రేపు సాయంత్రం 7గంటల ప్రాంతంలో చంద్రుడి కక్ష్యలోకి చంద్రయాన్-3 చేరుకోనున్నట్లు తెలియజేసింది. ఇప్పటివరకు చంద్రుడి వైపు ప్రయాణంలో మూడింట రెండు వంతులు పూర్తి చేసిందని ఇస్రో తెలిపింది. అన్నీ అనుకున్నట్లుగా జరిగితే ఆగస్టు 23వ తేదీన చంద్రుడిపై చంద్రయాన్-3 ల్యాండ్ కానుంది. అత్యంత చీకటిగా ఉండే చంద్రుడి దక్షిణ ధృవం మీద చంద్రయాన్-3 ల్యాండ్ కానుంది.