చంద్రయాన్-3: చంద్రుడికి మరింత చేరువలో ల్యాండర్ మాడ్యూల్
చంద్రయాన్-3 చంద్రుడి మీదకు తన ప్రయాణాన్ని కొనసాగిస్తూనే ఉంది. ఆల్రెడీ ప్రొపల్షన్ మాడ్యూల్ నుండి ల్యాండర్ మాడ్యూల్ విడిపోయిన సంగతి తెలిసిందే. విడిపోయిన ల్యాండర్ మాడ్యూల్ తన ప్రయాణాన్ని కొనసాగిస్తూ చంద్రుడికి మరింత దగ్గరగా వెళుతోంది. ప్రస్తుతం ల్యాండర్ మాడ్యూల్ ఆరోగ్యం బాగుందని, అలాగే డీబూస్టింగ్ ఆపరేషన్ ద్వారా ల్యాండర్ మాడ్యూల్ దాని కక్ష్యను 113 కిమీ x 157 కిలో మీటర్లకు తగ్గించుకుందని ఇస్రో వెల్లడి చేసింది. మరోసారి డీబూస్టింగ్ ఆపరేషన్ ఆగస్టు 20వ తేదీన అర్థరాత్రి 2గంటలకు ఉండనుందని ఇస్రో తెలిపింది. అంతా సాఫీగా జరిగితే ఆగస్టు 23వ తేదీన చంద్రుడి మీద ల్యాండర్ మాడ్యూల్ సేఫ్ గా ల్యాండ్ అవుతుంది.