చంద్రయాన్ పాత పేరు ఏంటో తెలుసా? చంద్రయాన్ గా ఎవరు మార్చారో తెలుసుకోండి
ఈ వార్తాకథనం ఏంటి
మరికొద్ది గంటల్లో చంద్రుడి దక్షిణ ధృవం మీద చంద్రయాన్-3 ల్యాండర్ మాడ్యూల్ అడుగుపెట్టనుంది. ఈ క్రమంలో భారతీయులంతా ఎంతో ఆసక్తిగా ఎదురుచూస్తున్నారు.
ప్రపంచం నివ్వెరపోయే ఘట్టం కోసం కళ్ళు పెద్దవి చేసుకుని మరీ భారతీయులంతా ఎదురుచూస్తున్నారు.
అయితే చంద్రయాన్-3, చంద్రుడి మీద అడుగుపెడుతున్న ప్రస్తుత సమయంలో అసలు ఈ ప్రయోగానికి చంద్రయాన్ అనే పేరు ఎవరో పెట్టారనే ఆసక్తికర చర్చ నడుస్తోంది.
తాజాగా ఈ విషయమై ఇస్రో మాజీ ఛైర్మన్ కస్తూరి రంగన్ సమాధానమిచ్చారు.
1999లో చంద్రుడి పై ప్రయోగాలు చేసేందుకు మిషన్ ని చేపట్టాలని భావించిన ఇస్రో, భారత ప్రభుత్వం అనుమతి కోసం అప్పటి ప్రధాని వాజ్ పేయి దగ్గరకు వెళ్లింది.
Details
చంద్రయాన్ పాత పేరు సోమయాన్
చంద్రయాన్ ప్రయోగానికి ముందుగా సోమయాన్ అనే పేరును పెట్టారు. సంస్కృతంలోని ఒకానొక శ్లోకం నుండి ఈ పేరును తీసుకున్నారు. 'ఓ చంద్రుడా, మా తెలివితో నేను నిన్ను చేరుకోవాలనుకుంటున్నాం, ఈ చీకటి దారిలో నువ్వే వెలుగు చూపు' అని ఆ శ్లోకం అర్థం.
ఇది విన్న వాజ్ పేయి, భారతదేశం ఆర్థిక శక్తిగా ఎదుగుతోంది. చంద్రుడి మీదకు మరిని యాత్రలు చేసే సత్తా మనకుంది, అందుకే చంద్రయాన్ అనే పేరును పెట్టమని సలహా ఇచ్చారట.
ఆ తర్వాత 2003లో స్వాత్రంత్ర్య దినోత్సవం సందర్భంగా ఎర్రకోట మీద నుండి చంద్రయాన్ పేరును అధికారికంగా ప్రకటించారు. 2008లో మొట్టమొదటి చంద్రయాన్ మిషన్ చంద్రుడి మీదకు చేరుకుంది.