చంద్రయాన్-3: చారిత్రక ఘట్టానికి అంతా సిద్ధం.. ప్రపంచం చూపు భారత్ వైపు
ఈ వార్తాకథనం ఏంటి
భారత అంతరిక్ష పరిశోధనా సంస్థ ఇస్రో చేపట్టిన చంద్రయాన్-3, బుధవారం చంద్రుడి మీద ల్యాండ్ కానుంది. ఈ చారిత్రక ఘట్టం కోసం భారతీయులంతా ఎంతో ఆసక్తిగా ఎదురుచూస్తున్నారు.
దేశవ్యాప్తంగా ప్రజలందరి చూపు చంద్రుడి మీదే ఉంది. ఈరోజు సాయంత్రం 6:04గంటలకు చంద్రుడి దక్షిణ ధృవం మీద ల్యాండర్ మాడ్యూల్ దిగనుంది.
ఐతే సాఫ్ట్ ల్యాండింగ్ ప్రక్రియ 5:47నిమిషాలకు మొదలు కానుంది. 17నిమిషాల పాటు సాగే ఈ ప్రక్రియ, అత్యంత కీలకమని ఇస్రో శాస్త్రవేత్తలు చెబుతున్నారు.
Details
నిటారుగా మారాల్సిన ల్యాండర్ మాడ్యూల్
ల్యాండర్ మాడ్యూల్ చంద్రుడి మీదకు దిగే 17నిమిషాల సమయంలో, ల్యాండర్ మాడ్యూల్ దాని వేగాన్ని తగ్గించుకోవాలి. వేగంఎక్కువైతే సాఫ్ట్ ల్యాండింగ్ కష్టమవుతుంది. చంద్రుడి గురుత్వాకర్షణ శక్తికి అనుగుణంగా ల్యాండర్ మాడ్యూల్ ల్యాండ్ అవ్వాల్సి ఉంటుంది.
మరో విషయం ఏంటంటే, వంపుగా ఉన్న ల్యాండర్ మాడ్యూల్ నిటారుగా అవ్వాలి. ఇలా జరిగిన తర్వాత నెమ్మదిగా చంద్రుడి మీద దిగాల్సి ఉంటుంది.
సాఫ్ట్ ల్యాండింగ్ ప్రక్రియను అనుక్షణం ఇస్రో శాస్త్రవేత్తలు పర్యవేక్షిస్తూనే ఉంటారు. అలాగే సాఫ్ట్ ల్యాండింగ్ ప్రక్రియను ప్రత్యక్ష ప్రసారం ద్వారా దేశవ్యాప్తంగా అందరూ చూడవచ్చు.