JC Soundbars: ఇంట్లోనే థియేటర్ ఫీల్.. జస్ట్ కోర్సెకా కొత్త సౌండ్బార్లు లాంచ్
ఈ వార్తాకథనం ఏంటి
ప్రముఖ ఎలక్ట్రానిక్ ఉత్పత్తుల తయారీదారు జస్ట్ కోర్సెకా హోమ్ ఆడియో విభాగంలోకి అధికారికంగా అడుగుపెట్టింది. తాజాగా కంపెనీ రెండు కొత్త సౌండ్బార్ మోడళ్లను జస్ట్ కోర్సెకా సోనిక్ బార్, జస్ట్ కోర్సెకా సౌండ్ షాక్ ప్లస్ —మార్కెట్లో విడుదల చేసింది. ఈ రెండు మోడళ్లూ 2.2-చానల్ సెటప్తో పాటు సబ్ వూఫర్ను కలిగి ఉండటం విశేషం. వీటి ద్వారా గరిష్టంగా 200W వరకు సౌండ్ అవుట్పుట్ను పొందవచ్చు. వినియోగదారులు ఈ ఉత్పత్తులను ఆన్లైన్, ఆఫ్లైన్ ప్లాట్ఫారమ్లలో కొనుగోలు చేసే అవకాశం ఉంది. జస్ట్ కోర్సెకా సోనిక్ బార్ 2.2 ఛానల్ లేఅవుట్తో రూపుదిద్దుకుంది.
Details
ప్రొజెక్టర్లు, ఫోన్లు, పీసీలు, ల్యాప్టాప్లు వంటి పలు సాధనాలకు అనుసంధానం
ఈ మోడల్లో వైర్డ్, వైర్లెస్ రెండు కనెక్టివిటీ ఆప్షన్లు అందుబాటులో ఉన్నాయి. మొత్తం 200W సౌండ్ అవుట్పుట్ అందించే ఈ సౌండ్బార్లో 120W అవుట్పుట్ సౌండ్బార్ నుంచీ, 80W అవుట్పుట్ సబ్ వూఫర్ నుంచీ వస్తుంది. కనెక్టివిటీ పరంగా Bluetooth v5.0, HDMI ARC, కోక్సియల్, USB, AUX వంటి అనేక ఎంపికలు కలవు. ఈ డివైస్ను టీవీలు, ప్రొజెక్టర్లు, ఫోన్లు, పీసీలు, ల్యాప్టాప్లు వంటి పలు సాధనాలకు అనుసంధానం చేయవచ్చు. ఇక జస్ట్ కోర్సెకా సౌండ్ షాక్ ప్లస్ మోడల్ 160W టోటల్ అవుట్పుట్ను అందిస్తుంది. ఇందులో 90W సౌండ్బార్ నుండి, 60W సబ్ వూఫర్ నుండి సౌండ్ ఉత్పత్తి అవుతుంది. ఇదీ 2.2 ఛానల్ ఆడియోతోనే వస్తుంది.
Details
ఈ ఉత్పత్తులపై ఒక సంవత్సరం పాటు వారంటీ
ఈ రెండు డివైస్లతో పాటు సౌండ్బార్, సబ్ వూఫర్, ఛార్జింగ్ కేబుల్, రిమోట్ కంట్రోల్ ప్యాకేజింగ్లో భాగంగా లభిస్తాయి. ధర విషయానికి వస్తే, సోనిక్ బార్ ధర రూ.7,499, సౌండ్ షాక్ ప్లస్ ధర రూ.6,499. ఈ రెండు మోడళ్లు అమెజాన్, ఫ్లిప్కార్ట్, జస్ట్ కోర్సెకా అధికారిక వెబ్సైట్, అలాగే అనుబంధ రిటైల్ స్టోర్లలో అందుబాటులో ఉన్నాయి. కంపెనీ ఈ ఉత్పత్తులపై ఒక సంవత్సరం వారంటీని కూడా ప్రకటించింది.