Gaganyaan Mission: గగన్యాన్ క్రూ మాడ్యూల్ IADT-01 పరీక్ష విజయవంతం
ఈ వార్తాకథనం ఏంటి
భారత గగన్యాన్ అంతరిక్ష ప్రాజెక్టులో మరో కీలక ఘట్టాన్ని ఇస్రో (ISRO) పూర్తి చేసింది. క్రూ మాడ్యూల్‌కు సంబంధించిన తొలి ఇంటిగ్రేటెడ్ ఎయిర్ డ్రాప్ టెస్టు (IADT-01)ను విజయవంతంగా నిర్వహించింది. ఈ పరీక్షల్లో వాయుసేన, నౌకాదళం, డీఆర్డీవో, కోస్ట్ గార్డ్‌ల సంయుక్త సహకారం కీలకంగా ఉండగా, మాడ్యూల్ నమూనాను హెలికాప్టర్ ద్వారా లిఫ్ట్ చేసి, సముద్రం వైపుకు జారవిడిచారు. పారాచూట్ల సాయంతో మాడ్యూల్ వేగాన్ని నియంత్రించుకుని సురక్షితంగా సముద్రంలో దిగింది.
Details
ల్యాండింగ్‌లో పారాచూట్ వ్యవస్థ కీలక పాత్ర
భవిష్యత్తులో మానవసహిత అంతరిక్ష ప్రయోగాల సమయంలో వ్యోమగాములను భూమికి సురక్షితంగా తీసుకొస్తూ, ల్యాండింగ్‌లో పారాచూట్ వ్యవస్థ కీలక పాత్ర పోషిస్తుంది. ఈ పరీక్ష ద్వారా మాడ్యూల్ భూవాతావరణంలో ప్రవేశించిన తరువాత వేగ నియంత్రణ, ల్యాండింగ్ సామర్థ్యం పరీక్షించారు. ఇస్రో గగన్యాన్ మిషన్‌లో అనేక పరీక్షలను విజయవంతంగా నిర్వహిస్తూ కొనసాగుతోంది. జులైలో సర్వీస్ మాడ్యూల్ ప్రొపల్షన్ సిస్టమ్ (SMPS)పై రెండు హాట్ టెస్టులు విజయవంతమయ్యాయి. 2027లో భారత్‌లోని తొలి మానవసహిత అంతరిక్ష యాత్రను నిర్వహించాలన్న లక్ష్యాన్ని కేంద్ర మంత్రి జితేంద్ర సింగ్ ఇటీవల ప్రకటించారు.