Google urgent alert: గూగుల్ ఎమర్జెన్సీ హెచ్చరిక.. 2.5 బిలియన్ జీమెయిల్ యూజర్లకు పాస్‌వర్డ్ మార్చాల్సిందే!
ఈ వార్తాకథనం ఏంటి
గూగుల్ తన 2.5 బిలియన్ జీమెయిల్ యూజర్లకు కీలక హెచ్చరిక జారీ చేసింది. సైబర్ సెక్యూరిటీని బలోపేతం చేసేందుకు వెంటనే పాస్‌వర్డ్‌లు మార్చుకోవాలని, అలాగే టూ-స్టెప్ వెరిఫికేషన్ (2SV) తప్పనిసరిగా ప్రారంభించుకోవాలని సూచించింది. గూగుల్ తెలిపినట్టు, హ్యాకింగ్ ప్రయత్నాలు గణనీయంగా పెరుగుతున్నాయి. వీటి వెనుక షైనీహంటర్స్ అనే అంతర్జాతీయ హ్యాకర్ల ముఠా ఉందని గుర్తించామని వెల్లడించింది. 2020 నుండి యాక్టివ్‌గా ఉన్న ఈ గ్రూప్ పై ఇప్పటికే AT\&T, మైక్రోసాఫ్ట్, సాంటాండర్, టికెట్‌మాస్టర్ వంటి సంస్థల డేటా లీక్ కేసుల్లో ప్రమేయం ఉన్నట్లు ఆరోపణలున్నాయి.
Details
సున్నితమైన సమాచారం దోపిడీకి గురయ్యే అవకాశం
గూగుల్ తెలిపినట్టు, షైనీహంటర్స్ ఫిషింగ్ పద్ధతిని ప్రధాన ఆయుధంగా వాడుతున్నారు. నకిలీ ఇమెయిళ్లు పంపి యూజర్లను వేరే లాగిన్ పేజీలకు మళ్లించడం, సెక్యూరిటీ కోడ్‌ల సహా కీలక సమాచారాన్ని దోచుకోవడం వీరి ప్రధాన వ్యూహం. గూగుల్ జూన్‌లో ఒక బ్లాగ్‌పోస్ట్‌లో చెప్పినట్టు, "షైనీహంటర్స్ గ్రూప్ డేటా లీక్ సైట్ ప్రారంభించడానికి సిద్ధంగా ఉందని భావిస్తున్నాం. దీని వలన సున్నిత సమాచార దోపిడీ మరింత పెరుగే అవకాశం ఉంది" అని హెచ్చరించింది. ఆ తరువాత, ఆగస్టు 8న ప్రభావితమయ్యే అవకాశం ఉన్న యూజర్లకు ప్రత్యేకంగా మెయిల్స్ పంపి అకౌంట్ సెక్యూరిటీని తక్షణమే పెంచుకోవాలని సూచించింది.
Details
టూ-స్టెప్ వెరిఫికేషన్ (2SV) ఎందుకు అవసరం?
2SV ద్వారా మీ ఇమెయిల్‌కు అదనపు భద్రత ఇవ్వొచ్చు. హ్యాకర్లు పాస్‌వర్డ్ తెలుసుకున్నప్పటికీ, భద్రతా కోడ్ లేకుండా లాగిన్ కాలేరు. ఈకోడ్ సాధారణంగా మీ మొబైల్ లేదా నమ్మదగిన డివైజ్‌కు వస్తుంది. బ్రిటన్‌లోని యాక్షన్ ఫ్రాడ్ తెలిపింది. 2SVప్రారంభిస్తే, దొంగలు మీ అకౌంట్‌లోకి చొరబడలేరు. మీ ఇమెయిల్‌ను సురక్షితంగా ఉంచడానికి ఇది అత్యవసరం. స్టాప్ థింక్ ఫ్రాడ్ వెబ్‌సైట్ చెప్పింది, "2SVఆన్ చేయడం కేవలం కొన్ని నిమిషాల పని, కానీ ఇది సైబర్ మోసాలను పూర్తిగా నిరోధించదు. జీమెయిల్ మాత్రమే కాదు, బ్యాంకింగ్, షాపింగ్, సోషల్ మీడియా వంటి అన్ని ప్రధాన ఆన్‌లైన్ సర్వీసులలో 2SV ఆప్షన్ అందుబాటులో ఉంది. ఇది సెక్యూరిటీ సెట్టింగ్స్‌లో టూ-ఫాక్టర్ ఆథెంటికేషన్(2FA)లేదా మల్టీ-ఫాక్టర్ ఆథెంటికేషన్(MFA)పేరుతో అందుబాటులో ఉంటుంది.