HP: AI ఆధారిత ల్యాప్‌టాప్‌లను విడుదల చేసిన హెచ్‌పి..వావ్ అనిపించే ఫీచర్లు
ఈ వార్తాకథనం ఏంటి
హెచ్‌పి సంస్థ మార్కెట్లో తమ అత్యంత శక్తివంతమైన AI ఆధారిత ల్యాప్‌టాప్‌లు HP EliteBook Ultra, HP OmniBook X ను విడుదల చేసింది.
ఈ ల్యాప్‌టాప్‌లు కార్పొరేట్స్, స్టార్టప్‌లు, అలాగే రిటైల్ కస్టమర్ల కోసం ఆధునిక కంప్యూటింగ్ అనుభవాన్ని అందించేందుకు ప్రత్యేకంగా రూపొందించబడ్డాయి.
ఇవి Snapdragon X Elite ప్రాసెసర్లు,డెడికేటెడ్ న్యూరల్ ప్రాసెసింగ్ యూనిట్ (NPU)6 తో అమర్చబడ్డాయి.
ఇందులోని NPU సెకనుకు 45 ట్రిలియన్ ఆపరేషన్లను నిర్వహించగల సామర్థ్యంతో ఉంటుందని, లాంగ్వేజ్ మోడల్స్, జనరేటివ్ AIను లోకల్‌గా రన్ చేసే సామర్థ్యాన్ని కలిగి ఉంది.
వివరాలు
HP ఎలైట్ బుక్ అల్ట్రా
HP EliteBook Ultra ప్రధానంగా బిజినెస్ లీడర్ల అవసరాలను దృష్టిలో ఉంచుకుని డిజైన్ చేయబడింది.
ఇది స్టైలిష్, మొబైల్ డివైస్ కావాలనుకునే వారి కోసం అత్యుత్తమ ఎంపిక. సొగసైన డిజైన్, శక్తివంతమైన బ్యాటరీతో ప్రపంచంలోనే అత్యంత సన్నని ల్యాప్‌టాప్‌గా ఇది నిలుస్తుంది.
ఇందులో ఎంటర్‌ప్రైజ్-గ్రేడ్ ఎండ్‌పాయింట్ సెక్యూరిటీ అందుబాటులో ఉండి, డేటాను పూర్తి సురక్షితంగా ఉంచుతుంది.
వివరాలు
HP ఓమ్ని బుక్ X
HP OmniBook X ప్రత్యేకంగా క్రియేటర్లు, ఫ్రీలాన్సర్ల అవసరాలను తీర్చేందుకు డిజైన్ చేయబడింది.
ఇందులో ఉన్న ఆధునాతన AI ఫీచర్లు వీడియో క్వాలిటీ మరియు అనుభవాలను మెరుగుపరుస్తాయి.
వీడియో ఎడిటింగ్, గ్రాఫిక్ డిజైన్, రిమోట్ మీటింగ్స్ వంటి డైనమిక్ జీవనశైలిని మద్దతు ఇవ్వడానికి ఇది శక్తివంతమైన పనితీరును అందిస్తుంది.
హెచ్‌పి ఇండియా సీనియర్ వైస్ ప్రెసిడెంట్, మేనేజింగ్ డైరెక్టర్ ఇప్సితా దాస్‌గుప్తా మాట్లాడుతూ, ఈ AI ల్యాప్‌టాప్‌లు వ్యక్తిగత కంప్యూటింగ్ తీరును పూర్తిగా మార్చే కొత్త యుగానికి దారితీస్తాయని చెప్పారు.