Earth: భూమి భ్రమణానికి సంబంధించిన వీడియో చూస్తారా.. వైరల్‌ అవుతున్న అద్భుత దృశ్యాలు
ఈ వార్తాకథనం ఏంటి
భూభ్రమణానికి సంబంధించిన అద్భుతమైన దృశ్యాలు సోషల్‌ మీడియాలో వైరల్‌గా మారాయి.
భారతీయ ఖగోళ శాస్త్రవేత్త డోర్జే అంగ్‌చుక్ (Dorje Angchuk) లద్దాఖ్‌లో భూమి భ్రమిస్తున్న వీడియోను టైమ్‌లాప్స్‌లో బంధించారు.
హాన్లేలోని ఇండియన్ ఆస్ట్రోనామికల్ అబ్జర్వేటరీలో ఇంజినీర్-ఇన్‌ఛార్జిగా పనిచేస్తున్న అంగ్‌చుక్.. 24 గంటల పాటు టైమ్‌లాప్స్‌ను ఉపయోగించి వీడియో తీశారు.
ఈ మొత్తం వీడియోను ఒక నిమిషం వ్యవధిలో క్రోడీకరించారు.
ఇందులో భూమి ఎలా భ్రమిస్తోందో స్పష్టంగా కనిపిస్తోంది.
అంగ్‌చుక్ మాట్లాడుతూ.. నక్షత్రాలు నిశ్చలంగా ఉంటే, భూమి పరిభ్రమిస్తూ ఉంటుందని.. ఈ వీడియోను రికార్డ్ చేయడంలో చాలా ఇబ్బందులు ఎదురైందని చెప్పారు.
వివరాలు
విద్యార్థులు సులభంగా అర్థం చేసుకోవడానికి వీడియో
భూభ్రమణం గురించి విద్యార్థులు సులభంగా అర్థం చేసుకోవడానికి ఉపయోగపడేలా ఈ వీడియో రూపొందించాలని ఆయనకు వచ్చిన అభ్యర్థన మేరకు ఈ ప్రాజెక్ట్‌ను చేపట్టినట్లు తెలిపారు.
లద్దాఖ్‌లోని తీవ్రమైన శీతల పరిస్థితులలో, నాలుగు రాత్రులు వీడియో తీస్తున్నప్పుడు పలుమార్లు బ్యాటరీ వైఫల్యాలు, టైమర్‌ పనిచేయకపోవడం వంటి అనేక ఇబ్బందులు ఎదురయ్యాయని, అయినా ఈ వీడియోని ఏ విధంగా అయినా పూర్తి చేయాలని ఆలోచించి, ముందుకు సాగినట్లు చెప్పారు.
ట్విట్టర్ పోస్ట్ చేయండి
అంగ్‌చుక్ చేసిన ట్వీట్
A Day in Motion – Capturing Earth’s Rotation
— Dorje Angchuk (@dorje1974) January 31, 2025
The stars remain still, but Earth never stops spinning. My goal was to capture a full 24-hour time-lapse, revealing the transition from day to night and back again. @IIABengaluru @asipoec (1/n) pic.twitter.com/LnCQNXJC9R