చంద్రయాన్-3 తర్వాత చంద్రయాన్-4 ఉంటుందని మీకు తెలుసా? దాని విశేషాలివే
ఈ వార్తాకథనం ఏంటి
చంద్రయాన్-3 ప్రయోగం విజయవంతం కావడంతో ఇప్పుడంతా చంద్రయాన్-4 మీదకు టాపిక్ మళ్ళింది. ఇస్రో చేపట్టనున్న భవిష్యత్తు ప్రాజెక్టుల్లో చంద్రయాన్-4 కూడా ఉంది. చంద్రుడి మీద అన్వేషణ సాగించే ఈ ప్రయోగాన్ని ఇస్రో సొంతంగా కాకుండా జపాన్ ఏరోస్పేస్ ఎక్స్ ప్లోరేషన్ ఏజెన్సీ(JAXA) భాగస్వామ్యంతో జరపనుంది. ఈ ప్రయోగం ముఖ్య లక్ష్యం చంద్రుడి మీద నీటి జాడలు కనిపెట్టడం. చంద్రుడి మీద శాశ్వత నీడలో ఉన్న ప్రదేశాలైన ధృవాల వద్ద నీటి జాడలను కనిపెట్టడం, వాటి క్వాలిటీని కనుక్కోవడం. గతంలో చేసిన అన్వేషణల ఫలితంగా చంద్రుడి మీద నీటి జాడలు ఉండవచ్చని కనుక్కున్నారు. ఇప్పుడు నిర్దిష్టమైన సాక్ష్యాలతో నీటి జాడలను కనుక్కోవాలని భావిస్తున్నారు.
Details
2026లో చంద్రయాన్-4 లాంచ్?
చంద్రయాన్-4 ప్రయోగంలో ల్యాండర్, రోవర్ ఉండనున్నాయి. ఈ ప్రయోగంలో అత్యాధునిక సాంకేతికతను ఉపయోగించనున్నారట. విద్యుత్ సరఫరా కోసం అధునాతన సోలార్ ప్యానెల్స్, పవర్ సప్లై కోసం హై ఎనర్జీ బ్యాటరీస్ ఉండేలా చూస్తారట. చంద్రుడి మీద అన్వేషణలు చేయడంలో మరింత వేగంగా ఉండే టెక్నాలజీ, చంద్రుడి ఉపరితలంపై తవ్వకాలు జరిపేలా చేసే సాంకేతికత, చంద్రుడి మీద ఎక్కువరోజులు పనిచేసేలా ఉండడానికి కావాల్సిన టెక్నాలజీని రూపొందించనున్నారట. చంద్రయాన్-4 ప్రయోగం 2026సంవత్సరంలో జపాన్ కు చెందిన H3 రాకెట్ ద్వారా లాంచ్ అయ్యే అవకాశం ఉందని అంటున్నారు. ఈ ప్రయోగంలో నీటి జాడలు కనుక్కోగలిగితే భవిష్యత్తులో మానవ సహిత చంద్రమండల యాత్రలు చేయవచ్చని ఇస్రో భావిస్తోంది.