Google Fitbit Edge: మరో 2 రోజుల్లో లాంచ్.. హార్ట్‌రేట్‌, ECG సహా అదిరిపోయే ఫీచర్లు!
ఈ వార్తాకథనం ఏంటి
టెక్ దిగ్గజం గూగుల్‌ తన కొత్త ఫిట్నెస్ ట్రాకర్‌ ఫిట్‌బిట్ ఎడ్జ్ (Fitbit Edge) లాంచ్‌పై అధికారికంగా టీజర్ విడుదల చేసింది. ఈ కొత్త హెల్త్‌ అండ్ ఫిట్నెస్ వేరబుల్‌పై ఇప్పటికే టెక్ ప్రియుల్లో ఆసక్తి నెలకొంది. ఎక్స్‌ (X) వేదికగా గూగుల్‌ ఈ టీజర్ చిత్రాన్ని షేర్ చేసింది. అందులో కొత్త పరికరం సైడ్‌ ప్రొఫైల్‌ కనిపిస్తోంది. "Get an Edge on your health. 10.12.26" అనే క్యాప్షన్‌తో ఈ పోస్ట్‌ను షేర్ చేసింది. దీన్ని బట్టి ఫిట్‌బిట్ ఎడ్జ్‌ను 2026 అక్టోబర్ 12న విడుదల చేసే అవకాశం ఉందని తెలుస్తోంది. అయితే, లాంచ్ తేదీకి సంబంధించిన పూర్తి వివరాలు అధికారికంగా వెల్లడికావాల్సి ఉంది.
వివరాలు
హార్ట్‌రేట్‌, SpO2, ECG మానిటరింగ్‌ ఫీచర్లు
ఫిట్‌బిట్ ఎడ్జ్‌లో 1.34 అంగుళాల ఆల్వేస్‌ ఆన్‌ OLED టచ్‌స్క్రీన్‌ ఉండొచ్చని అంచనా. అలాగే, మెరుగైన ట్రాకింగ్‌ కోసం GPSతో పాటు యాక్సిలరోమీటర్‌, బారోమీటర్‌, ఆల్టీమీటర్‌, గైరోస్కోప్‌ వంటి పలు సెన్సార్లను అందించే అవకాశం ఉంది.
ఆరోగ్య పర్యవేక్షణ కోసం ఇందులో ఆప్టికల్‌ సెన్సార్లను కూడా అందించవచ్చని సమాచారం. వీటి ద్వారా హార్ట్‌రేట్‌ (గుండె కొట్టుకునే వేగం), రక్తంలోని ఆక్సిజన్‌ స్థాయిని సూచించే SpO2ను పర్యవేక్షించవచ్చు.
అంతేకాకుండా గుండె విద్యుత్‌ కార్యకలాపాలను నమోదు చేసే ECG రీడింగ్స్‌ కోసం ఎలక్ట్రికల్‌ సెన్సార్లు ఉండొచ్చని అంచనా.
గుండె ఆరోగ్యానికి సంబంధించిన మరికొన్ని ప్రత్యేక ఫీచర్లు కూడా ఇందులో ఉండే అవకాశం ఉంది.
వివరాలు
ధర, బ్యాటరీ వివరాలు
ముఖ్యంగా, కర్ణిక దడ (Atrial Fibrillation - AFib), గుండె స్పందనలో అసమానతలు కనిపిస్తే వినియోగదారులను హెచ్చరించే ఫీచర్లను అందించవచ్చని తెలుస్తోంది.
అయితే ఈ ఫీచర్లపై గూగుల్‌ నుంచి పూర్తి అధికారిక నిర్ధారణ రావాల్సి ఉంది. ఫిట్‌బిట్ ఎడ్జ్‌లో మార్చుకోగలిగే లిథియం-అయాన్‌ బ్యాటరీని అందించవచ్చని సమాచారం.
ఒక్కసారి ఛార్జ్‌ చేస్తే ఏడు రోజుల వరకు బ్యాటరీ బ్యాకప్‌ లభించే అవకాశం ఉంది. అమెరికా మార్కెట్లో ఈ ఫిట్నెస్ ట్రాకర్‌ ధర సుమారు 180 డాలర్లు ఉండొచ్చని అంచనా.
వచ్చే వారం విడుదలయ్యే అవకాశం ఉన్న ఈ పరికరం, ప్రస్తుతం మార్కెట్లో ఉన్న ఖరీదైన హైఎండ్‌ ఫిట్నెస్ ట్రాకర్లతో పోలిస్తే తక్కువ ధరలో అందుబాటులోకి రావచ్చని భావిస్తున్నారు.