Google Alert: లక్షల జీమెయిల్ అకౌంట్లు డిలీట్.. కారణమిదే!
ఈ వార్తాకథనం ఏంటి
ప్రపంచ వ్యాప్తంగా ఎక్కువమంది జీ మెయిల్ వాడుతున్నారు. అంతే ఎక్కువ మొత్తంతో కూడా ఫేక్ వినియోగదారులు పెరిగిపోయారు.
కొన్నిసార్లు జీమెయిల్ ఖాతాలు తెరవడం, ఆ తర్వాత వాడకుండా వదిలేయడం వల్ల హ్యాకింగ్‌తో పాటు చాలా సమస్యలు పెరిగిపోతున్నాయి.
ఈ నేపథ్యంలో గూగుల్ కీలక నిర్ణయం తీసుకుంది. ఇలా దీర్ఘకాలంగా వాడకుండా వదిలేసిన ఖాతాల్ని నిర్దాక్షిణ్యంగా డిలీట్ చేయాలని గూగుల్ (Google) నిర్ణయించింది.
అంటే కనీసం రెండేళ్ల పాటు వాడకుండా ఉన్న ఖాతాలను డిసెంబర్‌లో డిలీట్ చేసేందుకు సిద్ధమవుతోంది.
దీంతో తమ ఖాతాలను రెగ్యులర్‌గా వాడని జీమెయిల్ వినియోగదారులు డిసెంబర్‌లో తమ ఖాతాల యాక్సెస్ కోల్పోయే అవకాశం ఉన్నట్లు గూగుల్ స్పష్టం చేసింది.
Details
యూజర్ల ప్రైవసీ కోసమే ఈ నిర్ణయం
జీమెయిల్ ఖాతాను పూర్తిగా కోల్పోకుండా ఉండాలంటే ప్రతి రెండు సంవత్సరాలకు ఒకసారి ఖాతాలోకి వెళ్లి సైన్ ఇన్ చేయడం ఖాతాను యాక్టివ్ గా ఉంచడానికి ఉత్తమ మార్గమని గూగుల్ తెలిపింది.
రెండేళ్లుగా మెయిల్ ఓపెన్ చేయని వారి ఖాతాలను శాశ్వితంగా డిలీట్ చేసేందుకు సిద్ధమవుతోంది.
ఇప్పటికే దీనిపై సదరు ఖాతాదారులకు అలెర్ట్స్ మీసేజ్ లు కూడా పంపింది.
అలాగే టూ స్పెప్ వెరిఫికేషన్ కూడా వీటికి జరగలేదని, కాబట్టి వీటి వినియోగదారులకు సెక్యూరిటీ అలర్ట్ లు కూడా వచ్చే అవకాశం లేదని చెప్తున్నారు.
యూజర్ల ప్రైవసీ చెక్కుచెదరకుండా ఉండేందుకే ఈ నిర్ణయం తీసుకున్నట్లు గూగుల్ చెబుతోంది.