IPL 2023: కోహ్లీకి యాక్షన్‌కి దాదా రియాక్షన్ మామూలుగా లేదుగా!
బీసీసీఐ మాజీ అధ్యక్షుడు సౌరభ్ గంగూలీ, టీమిండియా స్టార్ క్రికెటర్ విరాట్ కోహ్లీ మధ్య పచ్చగడ్డి వేస్తే భగ్గుమంటోంది. వీరిమధ్య గతంలో విబేధాలు ఉన్నట్లు వార్తలొచ్చాయి. ఇటీవల ఆర్సీబీ, ఢిల్లీ క్యాపిటల్స్ ఐపీఎల్ లో తలపడినప్పుడు వీరిద్దరూ ఒకరికొరు కనీసం పలకరించుకోలేదు. దీంతో వారి మధ్య వివాదాలు మరింత ముదురినట్లు స్పష్టమైంది. ఇందుకు సంబంధించిన ఓ వీడియో కూడా ప్రస్తుతం సోషల్ మీడియాలో వైరల్ అయింది. ఢిల్లీ క్యాపిటల్స్ ఓడిపోయినప్పుడు రెండు జట్ల సిబ్బంది షేక్ హ్యాండ్ ఇచ్చుకున్నారు. ఈ సమయంలో కోహ్లీతో చెయ్యి కలిపేందుకు గంగూలీ ఇష్టపడలేదు.
కోహ్లీని ఆన్ ఫాలో చేసిన గంగూలీ
ఈ క్రమంలో గంగూలీని ఇన్ స్టాగ్రాంలో కోహ్లీ ఆన్ ఫాలో చేశాడు. దీంతో ఈ గొడవ సోషల్ మీడియాకు ఎక్కింది. ఈ విషయం సోషల్ మీడియాలో పెద్ద చర్చ సాగుతోంది. తాను ఏమీ తక్కువ కాదంటూ సౌరబ్ గంగూలీ కూడా విరాట్ కోహ్లీని ఆన్ ఫాలో చేశాడు. 2021 నుంచి కోహ్లీ, గంగూలీ మధ్య కోల్డ్ వార్ సాగుతూనే ఉంది. టీ20 కెప్టెన్సీకి విరాట్ కోహ్లీ గుడ్ బై చెప్పాడు. ఈ క్రమంలోనే అతడిని వన్డే కెప్టెన్సీ నుంచి తప్పిస్తున్నట్లు బీసీసీఐ ప్రకటించింది. తనకు సమాచారం ఇవ్వకుండా కెప్టెన్సీని తొలగించారని గతంలో కోహ్లీ ఆరోపణలు చేసిన విషయం తెలిసిందే.
