World Cup guest: భారత్-ఆస్ట్రేలియా ప్రపంచ కప్ ఫైనల్‌కు ముఖ్య అతిథులు వీరే
ఈ వార్తాకథనం ఏంటి
అహ్మదాబాద్‌లోని నరేంద్ర మోదీ స్టేడియం వేదికగా ఆదివారం ఆస్ట్రేలియా-టీమిండియా మధ్య ప్రపంచ కప్ ఫైనల్ మ్యాచ్ కు అంతా సిద్ధమైంది.
ఈ ఫినాలేలో టీమిండియా గెలవాలని కోట్ల మంది భారతీయలు ఆశపడుతున్నారు.
1983, 2011 నాటి ప్రపంచ కప్ ఫలితాలు మళ్లీ పునరావృతం కావాలని కోరుకుంటున్నారు.
ఈ ప్రతిష్టాత్మ మ్యాచ్‌ను వీక్షించేందుకు అతిరథ మహారథులు హాజరవుతున్నారు. ఇంతకీ ఆ అతిథులు ఎవరో తెలుసుకుందాం.
ఈ మ్యాచ్కు హాజరయ్యే వీవీఐపీల జాబితాలో ప్రధాని మోదీ, ఆస్ట్రేలియా ఉప ప్రధాని రిచర్డ్ మార్లెస్ ఉన్నారు.
కేంద్ర క్రీడల మంత్రి అనురాగ్ ఠాకూర్, కేంద్ర విమానయాన మంత్రి జ్యోతిరాదిత్య సింధియా, అస్సాం ముఖ్యమంత్రి హిమంత బిస్వా శర్మ, ఇండియాలోని యూఎస్ రాయబారి ఎరిక్ గార్సెట్టి ఉన్నారు.
వరల్డ్ కప్
కపిల్ దేవ్, ఎంఎస్ ధోనీ హాజరు
1983, 2011 ప్రపంచ కప్ గెలిచిన భారత కెప్టెన్లు, కపిల్ దేవ్, ఎంఎస్ ధోనీ ఇద్దరూ స్టేడియంలో భారత ఆటగాళ్లను ఉత్సాహపరిచేందుకు మ్యాచ్కు హాజరవుతారు.
ఆస్ట్రేలియా మాజీ కెప్టెన్ పాంటింగ్, ఇంగ్లండ్‌ ఆటగాడు ఇయాన్ మోర్గాన్ కూడా ఫైనల్స్‌కు వచ్చారు.
ఫైనల్ సందర్భంగా బీసీసీఐ ప్రత్యేక ఏర్పాట్లు చేసింది. టాస్ ముగిసిన వెంటనే మధ్యాహ్నం 1:30గంటలకు ఐఎఎఫ్ సూర్య కిరణ్ ఏరోబాటిక్ బృందం ఎయిర్ షో నిర్వహించనుంది.
మ్యాచ్‌ను మరింత ఆకర్షణీయంగా మార్చడం కోసం సంగీత మాంత్రికుడు ప్రీతమ్, గాయకులు జోనితా గాంధీ, నకాష్ అజీజ్, అమిత్ మిశ్రా, అకాసా సింగ్, తుషార్ జోషిలనలు ఏర్పాట్లు చేశారు.
సెకండ్ ఇన్నింగ్స్ డ్రింక్స్ బ్రేక్ సమయంలో ప్రత్యేక లేజర్, లైట్ షోను ఏర్పాటు చేశారు.
కప్
భద్రత కట్టుదిట్టం
ఫినాలే మ్యాచ్ కోసం దాదాపు 6,000 మంది పోలీసులను మోహరించారు. దాదాపు 3,000 మంది స్టేడియం లోపల ఉన్నారు. మిగిలిన వారు ఇతర కీలకమైన ప్రదేశాలలో కాపలాగా ఉన్నారు.
ఇన్‌స్పెక్టర్-జనరల్, డిప్యూటీ ఇన్‌స్పెక్టర్-జనరల్ ర్యాంక్‌కు చెందిన నలుగురు సీనియర్ ఐపీఎస్, 23 మంది డిప్యూటీ కమిషనర్ ఆఫ్ పోలీస్ ర్యాంక్ అధికారులు భద్రతా ఏర్పాట్లను పర్యవేక్షిస్తున్నారు.
ఐఏఎఫ్ ప్రదర్శన ఉన్న నేపథ్యంలో అహ్మదాబాద్‌లోని సర్దార్ వల్లభ్‌భాయ్ పటేల్ ఇంటర్నేషనల్ విమానాశ్రయం గగనతలాన్ని మధ్యాహ్నం 1:25 నుండి 2:10 గంటల వరకు మూసి వేస్తారు.