IPL 2023: ఉప్పల్ స్టేడియంలో ముంబై ఇండియన్స్ సూపర్ విక్టరీ
ఈ వార్తాకథనం ఏంటి
ఉప్పల్ స్టేడియంలో ముంబై ఇండియన్స్ సన్ రైజర్స్ హైదరాబాద్ పై 14 పరుగుల తేడాతో గెలుపొంది హ్యాట్రిక్‌ విజయాన్ని నమోదు చేసింది. తొలుత టాస్ గెలిచిన సన్ రైజర్స్ బౌలింగ్ ఎంచుకుంది.
బ్యాటింగ్ దిగిన ముంబై ఓపెనర్లు రోహిత్ శర్మ(28), ఇషాన్ కిషాన్ (38) వేగంగా ఆడారు. ముఖ్యంగా నాలుగు మ్యాచ్ ల్లో విఫలమైన కామెరూన్ గ్రీన్ (64) అర్ధ సెంచరీతో చెలరేగాడు.
దీంతో ముంబై నిర్ణీత 20 ఓవర్లలో 5 వికెట్ల నష్టానికి 192 పరుగులు చేసింది. అనంతరం బ్యాటింగ్ కి దిగిన
సన్ రైజర్స్ 19.5 ఓవర్లలో 178 పరుగులు చేసి ఆలౌటైంది.
details
రాణించిన ముంబై బౌలర్లు
సన్ రైజర్స్ బౌలర్లలో మార్కో జాన్సన్ 2, నటరాజన్, భువనేశ్వర్ కుమార్ తలా ఓ వికెట్ తీశారు.
లక్ష్య చేధనకు దిగిన సన్ రైజర్స్ బ్యాటర్లు మయాంక్ అగర్వాల్(48), క్లాసెన్(36), మార్క్రమ్ 22 పరుగులతో రాణించినా.. మిగతా బ్యాటర్లు తక్కువ స్కోరుకే పరిమితమయ్యారు.
ముంబై బౌలర్లలో జాసన్ బెహ్రెండోర్ఫ్, మెరిడిత్, పీయూష్ చావ్లా రెండు వికెట్లు తీయగా.. అర్జున్ టెండూల్కర్, కామెరూన్ గ్రీన్ తలా ఓ వికెట్ తీశారు.