Neeraj Chopra: ప్రపంచ అథ్లెటిక్స్ ఫైనల్‌కు నీరజ్ చోప్రా.. పారిస్ ఒలింపిక్స్‌కూ అర్హత
ఈ వార్తాకథనం ఏంటి
టోక్యో ఒలింపిక్స్ స్వర్ణ పతాక విజేత, భారత జావెలిన్ త్రో స్టార్ నీరజ్ చోప్రా మరోసారి తన సత్తాను నిరూపించుకున్నాడు.
హంగేరీ వేదికగా జరుగుతున్న ప్రపంచ అథ్లెటిక్స్ ఛాంపియన్ షిప్ క్వాలిఫయర్స్ తొలి ప్రయత్నంలోనే అత్యుత్తమ ప్రదర్శన కనబరిచి ఫైనల్‌కు దూసుకెళ్లాడు.
గ్రూప్‌ 'ఏ' లో పోటిపడిన నీరజ్ చోప్రా 88.77 మీటర్లు విసిరి పారిస్ ఒలింపిక్స్‌కు అర్హత సాధించాడు. దీంతో ఫైనల్ కటాఫ్ మార్క్ 83 మీటర్లను అధిగమించడంతో ఫైనల్‌కు చేరాడు.
వరల్డ్ అథ్లెటిక్స్‌లో గోల్డ్ మెడల్ గెలిచిన తొలి ఇండియన్ గా నిలవడానికి నీరజ్ మరో అడుగు దూరంలో ఉన్నాడు.
Details
గోల్డ్ మెడల్ పై కన్నేసిన నీరజ్ చోప్రా
నిజానికి 2022లో గోల్డ్ మెడల్ గెలవడానికి దగ్గరగా వచ్చినా, చివరికి సిల్వర్ మెడల్ తో సరిపెట్టుకున్నాడు. గ్రెనడాకు చెందిన ఆండర్సన్ పీటర్స్ అప్పుడు గోల్డ్ గెలిచాడు.
వరల్డ్ అథ్లెటిక్స్ ఛాంపియన్‌షిప్స్ లో ఇండియా సిల్వర్ మెడల్ గెలవడం కూడా అదే తొలిసారి కావడం విశేషం. ఈ ఏడాది ఎవరూ 90 మీటర్ల మార్క్ అందుకోలేదు. ఫైనల్లో నీరజ్ ఆ మార్క్ అందుకుంటే గోల్డ్ మెడల్ గెలిచే అవకాశాలు ఎక్కువగా ఉంటాయి.
జర్మనీకి చెందిన జూలియన్ వెబర్ 82.39 మీటర్ల బెస్ట్ త్రోతో రెండో స్థానంలో నిలవగా, భారత్‌కు చెందిన డీపీ మను 81.31 మీటర్ల బెస్ట్ త్రోతో మూడో స్థానంలో నిలిచాడు.