PAK Vs AFG: పోరాడి పాక్ జట్టుకు విజయాన్ని అందించిన షాబాద్ ఖాన్
ఈ వార్తాకథనం ఏంటి
అప్ఘనిస్తాన్‌తో జరిగిన రెండు వన్డేలో పాకిస్థాన్ ఒక వికెట్ తేడాతో గెలుపొందింది. దీంతో మూడు వన్డేల సిరీస్‌ను మరో మ్యాచ్ మిగిలి ఉండగానే 2-0 తో పాక్ దక్కించుకుంది.
ఈ మ్యాచులో పాక్ తరుఫున షాబాద్ ఖాన్ 35 బంతుల్లో(3ఫోర్లు, 1సిక్సర్) 48 పరుగులు చేసి ఆ జట్టు విజయంలో కీలకపాత్ర పోషించాడు.
ఒకానొక సమయంలో పాక్ జట్టు 301 పరుగుల లక్ష్యంతో బరిలోకి దిగి 211 పరుగులకే ఆరు కీలక వికెట్లను కోల్పోయి పీకల్లోతు కష్టాల్లో పడింది.
ఎనిమిదో స్థానంలో బ్యాటింగ్ దిగిన షాదాబ్ నిలకడ బ్యాటింగ్ చేసి, పరుగులను రాబట్టాడు. చివరి ఓవర్లలో షాబాద్ ఖాన్ రనౌట్ అయినప్పటికీ పాకిస్థాన్ మరో బంతి మిగిలి ఉండగానే విజయాన్ని సాధించింది.
Details
ప్లేయర్ ఆఫ్ ద మ్యాచ్ గా నిలిచిన షాబాద్ ఖాన్
చివరి ఓవర్లలో రెండు వికెట్లు చేతిలో ఉండగా, పాకిస్థాన్ గెలుపునకు 11 పరుగులు అవసరమయ్యాయి.
ఈ తరుణంలో హైడ్రామా నడిచింది.
తొలి బంతికి షాబాద్ ఔట్ అయినా, నషీమ్ (10 నాటౌట్),హరీస్ రవూఫ్ (3 నాటౌట్) రాణించి పాక్ ను విజయతీరానికి చేర్చారు.
షాదాబ్ ఖాన్ 58 మ్యాచుల్లో 84.07 స్ట్రైక్ రేట్‌తో 718 పరుగులు చేశాడు. ఇందులో నాలుగు హాఫ్ సెంచరీలున్నాయి.
బౌలింగ్ విభాగంలో 5.13 ఎకానమీతో 74 వికెట్లను పడగొట్టాడు. ఇక ఈ మ్యాచులో అద్భుత ప్రదర్శన చేసిన షాబాద్ ఖాన్ కు ప్లేయర్ ఆఫ్ ద మ్యాచ్ అవార్డు లభించింది.