పాక్ కెప్టెన్ గా మహ్మద్ రిజ్వాన్.. ప్రకటించిన పాక్ క్రికెట్ బోర్డు

Mohammad Rizwan: పాక్ కెప్టెన్ గా మహ్మద్ రిజ్వాన్.. ప్రకటించిన పాక్ క్రికెట్ బోర్డు 

వ్రాసిన వారు Jayachandra Akuri

Oct 27, 2024

06:20 pm

ఈ వార్తాకథనం ఏంటి

పాకిస్థాన్ క్రికెట్ బోర్డు బాబర్ అజామ్ స్థానంలో సీనియర్ వికెట్‌కీపర్ బ్యాటర్ మహ్మద్ రిజ్వాన్‌ను వన్డే, టీ20 కెప్టెన్‌గా నిమిస్తున్నట్లు ప్రకటించింది. స్పిన్ బౌలింగ్ ఆల్‌రౌండర్ సల్మాన్ ఆఘాను వైస్ కెప్టెన్‌గా ఎంపిక చేసింది. నవంబర్ 4న ఆస్ట్రేలియాతో జరగనున్న మూడు వన్డేల సిరీస్‌తో రిజ్వాన్ కెప్టెన్సీలో తన ప్రయాణాన్ని ప్రారంభించనున్నాడు. వన్డే సిరీస్‌ అనంతరం పాకిస్థాన్, ఆస్ట్రేలియాతో మూడు టీ20లు ఆడనుంది. ఈ సిరీస్‌ల కోసం పాకిస్థాన్ జట్టును సెలెక్టర్లు ఎంపిక చేశారు.