Sunil Chhetri: రిటైర్మెంట్‌ను వెనక్కి తీసుకున్న సునీల్‌ ఛెత్రి
ఈ వార్తాకథనం ఏంటి
ఫుట్‌బాల్‌ దిగ్గజం సునీల్‌ ఛెత్రి మరోసారి మైదానంలో సందడి చేయనున్నాడు. అతను తన రిటైర్మెంట్‌ను వెనక్కి తీసుకున్నాడు.
''సునీల్‌ ఛెత్రి తిరిగి వచ్చాడు. భారత ఫుట్‌బాల్‌ మహా నాయకుడు, కెప్టెన్‌ మార్చి నెలలో జరగనున్న ఫిఫా మ్యాచ్‌ల్లో పాల్గొనడానికి సిద్ధమవుతున్నాడు'' అని భారత ఫుట్‌బాల్‌ సమాఖ్య (ఏఐఎఫ్‌ఎఫ్‌) ఎక్స్‌లో వెల్లడించింది.
40 ఏళ్ల ఛెత్రి గతేడాది జూన్‌లో అంతర్జాతీయ ఫుట్‌బాల్‌కు వీడ్కోలు చెప్పిన విషయం తెలిసిందే.
అంతర్జాతీయ పోటీల నుంచి తప్పుకున్నప్పటికీ, అతను ఇండియన్‌ సూపర్‌ లీగ్‌లో తన ప్రయాణాన్ని కొనసాగిస్తున్నాడు. ప్రస్తుత సీజన్‌లో 12 గోల్స్‌తో అత్యధిక గోల్స్‌ చేసిన భారత ఆటగాళ్లలో అగ్రస్థానాన్ని దక్కించుకున్నాడు.
వివరాలు
బంగ్లాదేశ్, మాల్దీవులతో కీలకమైన మ్యాచ్‌లు
గత సీజన్‌లో పట్టికలో చివరి నుంచి మూడో స్థానంలో నిలిచిన బెంగళూరు ఎఫ్‌సీ, సునీల్‌ ఛెత్రి అద్భుత ప్రదర్శనతో ఈసారి ప్లేఆఫ్స్‌కు చేరుకుంది.
అత్యుత్తమ ఫామ్‌లో కొనసాగుతున్న ఛెత్రి, ఏఐఎఫ్‌ఎఫ్‌ విజ్ఞప్తి మేరకు రిటైర్మెంట్‌ను తిరస్కరించి తిరిగి జట్టులోకి వచ్చాడు.
భారత జట్టు ఈ నెలలో బంగ్లాదేశ్, మాల్దీవులతో కీలకమైన మ్యాచ్‌లు ఆడేందుకు సిద్ధమవుతోంది.
ట్విట్టర్ పోస్ట్ చేయండి
ఏఐఎఫ్‌ఎఫ్‌ చేసిన ట్వీట్
Captain. Leader. Legend. SUNIL CHHETRI IS BACK! 🇮🇳🔥
— All India Football (@AllIndiaFtbl) March 6, 2025
40 saal ka junoon, ek baar phir Indian jersey mein! 🏆⚽
March 25, Shillong – pura stadium hilega, kyunki yeh sirf ek comeback nahi, ek INSPIRATION hai!#AFCAsianCup #allindiafootball #SunilChhetri #IndianFootball #SC11 pic.twitter.com/nVfygFHTtU