Anti-Ballistic Defense Coalition: ఉక్రెయిన్తో కలిసి 10 ఐరోపా దేశాల రక్షణ కూటమి.. బాలిస్టిక్ ముప్పుకు సమష్టి వ్యూహం
ఈ వార్తాకథనం ఏంటి
బాలిస్టిక్ క్షిపణుల ముప్పును సమష్టిగా ఎదుర్కొనే లక్ష్యంతో ఉక్రెయిన్తో కలిసి మొత్తం 10 ఐరోపా దేశాలు కొత్త రక్షణ కూటమిని ఏర్పాటు చేశాయి. ఉక్రెయిన్ అధ్యక్షుడు వోలోడిమిర్ జెలెన్స్కీతో పారిస్లో జరిగిన కీలక సమావేశం అనంతరం సోమవారం ఈ కూటమి ఏర్పాటును అధికారికంగా ప్రకటించారు. రష్యాతో కొనసాగుతున్న యుద్ధంలో ఉక్రెయిన్ సైన్యం సంపాదించిన అనుభవం,క్షిపణి దాడులను ఎదుర్కొనే విధానాలు తమ రక్షణ వ్యవస్థను మరింత బలోపేతం చేయడంలో ఉపయోగపడతాయని సభ్య దేశాలు అభిప్రాయపడుతున్నాయి. ఐరోపా దేశాలపై సంభవించే బాలిస్టిక్ క్షిపణి దాడులను సమర్థంగా అడ్డుకునే ఉమ్మడి రక్షణ సామర్థ్యాన్ని అభివృద్ధి చేయడమే ఈ కూటమి ప్రధాన లక్ష్యమని వెల్లడించాయి. ఈ రక్షణ కూటమిలో డెన్మార్క్,ఫ్రాన్స్,జర్మనీ,ఇటలీ,నెదర్లాండ్స్,నార్వే,స్పెయిన్,స్వీడన్,బ్రిటన్తో పాటు ఉక్రెయిన్ సభ్య దేశంగా భాగస్వామ్యం కానుంది.
ట్విట్టర్ పోస్ట్ చేయండి
బాలిస్టిక్ క్షిపణి రక్షణ కోసం 10 దేశాల సంయుక్త కూటమి
#BREAKING The French presidency announced that Denmark, France, Germany, Italy, the Netherlands, Norway, Spain, Sweden, the UK, and Ukraine have formed a missile defense coalition. pic.twitter.com/bl7i3OfVdR
— The National Independent (@NationalIndNews) July 13, 2026